A09447:33
Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…
Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci Coccij. Et propaideiæ [sic] juventutis in lectione omnium patrum. Editum post mortem authoris operâ & studio Samuelis Wardi.Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci Coccij. Et propaideiæ [sic] iuventutis in lectione omnium patrum. Editum post mortem authoris operâ & studio Samuelis Wardi.
Cantabrigiæ : Ex officina Joannis Legat. Anno Dom. M.D.CIIII. Extant Londini apud Simonem Waterson in Cœmeterio D. Pauli ad insigne Coronæ, 1604Cantabrigiæ : Ex officina Ioannis Legat. Anno Dom. M.D.CIIII. Extant Londini apud Simonem Waterson in Cœmeterio D. Pauli ad insigne Coronæ, 1604
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Explicatio Problematis.
Per fidem Ecclesiae Romanae intelligo doctrinam, de via & ratione salutis con•equendae, propositam in Concilio Tridentino, in Romano Catechismo ad Parochos, in Missali & Breviario, quae Pij V. Pontificis jussu eduntur & reformantur.
PEr fidem Ecclesiae Romanae intelligo doctrinam, de via & ratione salutis con•equendae, propositam in Concilio Tridentino, in Romano Catechismo ad Parochos, in Missali & Breviario, quae Pij V. Pontificis iussu eduntur & reformantur.
Catholicum intelligo ut Vincen•ius contra haeres. c. 3. In ipsa (inquit) Catholica Ecclesia magnopere curandum est▪ ut id teneamus quod UBIQVE, quod SEMPER, quod ab omnibus creditum: hoc est enim verè proprièque catholicum, quod ipsa vis nominis ratioque declarat, quae omnia verè universaliter comprehendit. Rursus, cap. 25. Ille est verus & germanus Catholicus, qui—, quicquid universaliter ANTIQVITVS ⟨p. 2⟩Ecclesiam Catholicam tenuisse cognoverit, id solùm sibi tenendum credendumque decernit. Quicquid verò ab aliquo deinceps uno praeter omnes, vel contra omnes sanctos, novum & inauditum subindci senserit, id non ad religionem, sed ad tentationem potiùs intelligat pertinere. Similiter Augustinus de Baptismo contra Donatist. lib. 4. cap. 24. Quod universa tenet Ecclesia nec concilijs institutum, sed semper retentum est, non nisi Apostolica authoritate traditum rectissimè creditur. Hic jam consideremus quid Vincentio, quid Augustino antiquum. Vixit certè uterque ante annos 1200. Id eis proinde antiquum est quod tempore Apostolorum, & proximo post Apostolos seculo in Ecclesia receptum fuit. Non illi proculdubiò antiquum putarunt quod suo tempore, aut centum circiter, aut ducentum ante eos annis natum est, multò verò minùs quod post illorum seculum excogitatum in religione & receptum fuit. Non ergo vetustas doctrinae omnis bona est, sed ea demùm quae Lirinensi, Augustino, Hieronymo, Cypriano, &c. antiquitas est, quamque illi propriè commendant. Similiter ea universalitas pro vera habenda est quae Apostolorum seculo, & proximis ante Vincentium annis in omnibus Ecclesijs obtinuit.