Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

4. Intercessio Sanctorum, de qua veteres communiter per multa secula loquuntur, est generalis intercessio pro Ecclesià, non pro hoc, vel illo particulari individuo. Hanc libenter nos agnoscimus. Particularis autem illa intercessio ⟨p. 89⟩singulariū pro singularibus tardiùs credita, fidem inuênit ex insomnijs, & revelationibus. Euseb. Hist. l. 6. c. 4. narrat Potamiaenam (ut tum ferebatur) triduò post martyrium, nocte Basilidi astitisse, coronam capiti imposuisse, ac dixisse, interpellare see pro illo Dominum. Et Apollo quidam vidit, per revelationem, fratrem defunctum pro eo intercedentem, ut ait Palladius in historia Patrum. c. 52.

4. Intercessio Sanctorum, de qua veteres communiter per multa secula loquuntur, est generalis intercessio pro Ecclesià, non pro hoc, vel illo particulari indiuiduo. Hanc libenter nos agnoscimus. Particularis autem illa intercessio ⟨p. 89⟩singulariū pro singularibus tardiùs credita, fidem inuênit ex insomnijs, & reuelationibus. Euseb. Hist. l. 6. c. 4. narrat Potamiaenam (vt tum ferebatur) triduò post martyrium, nocte Basilidi astitisse, coronam capiti imposuisse, ac dixisse, interpellare se pro illo Dominum. Et Apollo quidam vidit, per reuelationem, fratrem defunctum pro eo intercedentem, vt ait Palladius in historia Patrum. c. 52.

5 Veteres docent sanctos Intercedere non tantùm apertè, orando; sed etiā interpretativè, merendo. Anselmus lib. de excellentia Mariae—. Merita tamen matris intercedunt, ut exa•diatur. Ivo epist. 119. Quod viribus nostris non valemus, meritis beatae & perpetuae virginis, obtinere posse audimus. Berno Augiensis Serm. 2. de Marco. Per sancti Marci merita, quicquid petitis, credite, quia accipietis. Author epistolae ad Paulā & Eustochium apud Hieron. de assumptione Mariae. de Mariâ sic loquitur, Suis commendet nos meritis, & precibus auxilietur, ut & ipsi digni inueniamur in eius laudibus. Lumbard lib. 4. dist. 45. lit. G. Intercedunt Sancti apud Deum pro nobis merito, & affectu. Imò veteres quandoque Intercessionibus Sanctorum plus aequo tribuunt. Severus Sulpitius epist. 2a. de Sancto Martino, ait, eam spem sibi solam, eamque postremā superesse, ut quod per se obtinere non possit, illud, Martino pro see orante, mereatur. Leo Serm. 1. in natali Apost. Petri & Pauli. Credimus atque confidimus—ad obtinendam misericordiam Dei semper nos specialium patronorum orationibus adiuvandos: ut quantum proprijs peccatis deprimimur, tantum Apostolicis meritis erigamur. Prosper lib. de promissionibus & praedictionibus, Dei. Orationibus Sanctorū, me expiari ab omni peccato posse confido. Gregorius Turonensis l, 4. vitae Sancti Martitini in prologo. Sanctos ait, paenas aeternas restinguere, & delictorum languoribus mederi suo interventu obtinere. Et apud veteres Sancti immediati fiunt Intercessores apud Deum pro nobis. Adrianus primus, epist, ad Constantium & Irenen, ait, Sanctorum imagines colendas, quos constat Seruòs Dei esse, & pro nobis apud Deitatem obsecrantes, & intercedentes.