Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

7 Ista invocatio inv•hi caepta est in usum Ecclesiae Catholicae, circa an. à Christo 380. ex consuetudine vulgi, & ex privatà quorundam devotion. Nam Patres his temporibus Sanctos narrant invocatos, non docent invocandos. Imò in serijs disputationibus, & Sermonibus, Invocationem Sanctorum reprehendunt. Origen. contra Celsum, lib. 5. Omnia vota, omnes interpellationes, deprecationes, & gratiarum actiones, destinandae sunt ad Deum rerum omnium dominum, per maiorem omnibus angelis summum Pontificem, vivum verbum, & Deum. Rursus: Hoc ipsum cohibebit, ne quos audeat preces offerre, nisi soli Domino Deo qui unus omnibus abundè sufficit per Seruatorem, dei filium. Athanas. Serm. 3o contra Arrianos, Christum Deum asserit, quia fuit invocatus: quùm creatura adorari non debeat. Epiphan. haeres. 79. Venerationem Mariae tribuit, sed negat adorandam & invocandam. Ambrosius in comment in Rom. 1. Stultos existimat, qui conservos adorant. Basil. in psal. 7. Ut consentaneum est nihil praeter Deum colere, ita debemus Spes nostras non in alio quàm in deo collocare. Hieronym, Nullibi asserit invocationem Sanctorum, sed in contrarium, contra Vigilantium ait, in epist. ad Ri•arium: Nos, non dico Martyrum reliquias sed ne solem quidem, & lunam, non angelos—, colimus, & adoramus, ne seruiamus creaturae potiùs quam creatori. Cyrillus contra Julianum, l. 6. Sanctos Martyres neque Deos esse dicimus, neque ador are consuevimus. Et Thesaur. l. 2. c. 1. Nemo ignorat, nulli prorsus naturae praeterquam Dei, adorationem à scriptura tribui. Chrysostomus in genuinis scriptis nec usurpat, nec defendit invocationem istam, sed improbat magis. homil. de profectu Evangelij. Caeterùm, inquit, non opus tibi patronis apud Deum, neque multo discursu. ut blandiare alijs; sed licèt solus sis, patronoque careas, & per teipsum Deum precêris, omnino tamen voti compos eris. Neque enim tam facilè deus annuit, cùm alij pro nobis orant, ut cum ipsimet oramus, etiamsi plurimis pleni simus malis. August. de verâ relig. c. 55. Nobis religio non sit cultus mortuorum: &, honorandi propter imitationem non adorandi propter religionem. De civit. Dei, l. 22. c. 10. Nos Martyribus ⟨p. 91⟩nostris non templa, sicut Dijs, sed memorias sicut hominibus mortuis, quorum apud Deum vivunt spiritus, fabricamus. Neque ibi erigimus altaria, in quibus sacrificemus martyribus, sed unî Deo & martyrum & nostro, sacrificium immolamus.