Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

8 Invocatio Sanctorum quae fuit his temporibus in usu, fuit propriè colloquium vel Sermocinatio quasi cum praesentibus. praesentes autem fuerunt, vel per fictionem rhetoricam, vel opinione, quia vulgò tum persuasum erat praesentes adesse coccis Martyrij, quibusdam etiam ubique. Utrunque sic confirmo. Basilius & Nazianzenus & alij Patres, occasion orationum Panegyricarum, solebant inter perorandum non invocare quidem amicos mortuos, sed oratorio more per prosopopoe•am eos tanquam praesentes alloqui, & vota non preces facere: ut quum nos Angli in lusu globum currentem rogamus, ut celeriùs currat, vel cursum inhibeat. Nazianz in Pascha ait, O Pascha magnum & sacrum, totiusque mundi expiatio, tecum enim tanquam cum animato aliquo colloquor. Et 1a Invectivâ in Julianum. Audi & tu anima Constantini, si quis tibi sensus est. Et pòst: Quid hoc rei est, ô Imperatorū divinissime? cogor enim illum tanquam praesentem & audientem inculpare licèt cum Deo constitutum. Et Invectivâ 2a: Julianum mortuum & in inferno existentem compellat. Hoc modo ⟨p. 92⟩Dionys. Areopag. Hierarchiae Eccl. c. 3. par. 5. thetoricam exclamationem ad Christum pane repraesentatum, adhibet. Et Victor. de persequut. Vandalicâ, Prophetas, Patriarchas, Apostolos alloquitur. Hieronymus in Epitaphio Paulae ait, Vale • Paula, & cultoris tui ultimam senectutem orationibus juva. Est autem in his verbis non invocatio, sed apostrophe, qua defunctam alloquitur quasi praesentem. Idem Hi•ron. in vitâ Hilarionis, de Constantia ait: Erat solita pervigiles in sepulchro eius noctes ducere, & quasi cum praesente ad adiuvandas orationes suas sermocinari. Similiter Nyssenus orat. in sanctum Theodorum, Quasi corpus enim per se vivent, & florens, qui intuentur, amplectuntur, oculis, ore, auribus, omnibus sensuum instrumentis adhibitis. Deinde offi•ij & affectionis lachrymas martyri, quasi integer esset & appareret, superfundentes, ut pro ipsis deprecator intercedat, supplices preces afferunt tanquam satellitem dei orantes, quasi accipientem dona cum velit, invocantes. Chrysost. orat. in Babylam. Si quis huiusmodi conditorijs adstat—ipsius capsulae aspectus in animam invadens, ipsam percellit & exuscitat, ac perinde afficit, quasi qui illic mortuus jacet, preces simul fundat, praesensque adesse cernatur.