Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

2 Veteres caenam Domini, sive totam Caenae actionem vocâ•unt sacrificium, ut etiam totam divini cultus formulā, varijs de causis, variisque modis. Primò, quia in ea erat collatio, & oblatio eleemosynarum, panum, vini, &c. quae sunt spirituale sacrificium, ex quibus symbola ipsa in Eucharistiae communion desumpta fuerunt, & eleemosynae in pauperes conferebantur. Irenaeus. l. 4. c. 32. Sed & suis diseipulis dans consilium, primitias Deo offerre ex suis creaturis, non quasi indigenti; sed ut ipsi nec infructuosi nec ingrati sint, eum qui ex creatura panis est, accepit, & gratias egit dicens, Hoc est corpus meum. Et calicem similiter, qui est ex ea creatura quae est secundùm nos, suum sanguinem confessus est, & novi testamenti novam docuit oblationem, quam Ecclesia ab Apostolis accipiens in universo mundo offert Deo, ei qui alimenta nobis praestat primitias suorum munerum in novo testamento. Cyprianus, lib. de oper. & Eleemosyn. Locuples, & dives es, & dominicum celebrare te credis, quae corbonam omnino non respicis, quae in dominicum sine sacrificio venis, quae partem de sacrificio, quod pauper obtulit, sumis? Aug. Retract. l. 2. c. 11. Inter haec Hilarius quidam—irritatus, morē qui tunc esse apud Carthaginē caeperat, ut Hymni ad altare dicerē tur de psalmorū libro sine ante oblationē sine cùm distribueretur ⟨p. 138⟩populo quod fuisset oblatū—lacerabat. Canon. Apost. can. 4. Offerri non liceat aliquid ad altare, praeter novas spicas— & thymiama, id est, incensum tempore quo sancta celebratur oblatio. Et M••••le Rom•n: Suscipe Domine preces popul• tui, cum ¹oblationibus hostiarum—. Secundò metonymicè, quia est representatio Sacrificij in cruce oblati, vel quasi spectaculum, in quo sacrificium corporis, & sanguinis Christi in cruce peractum, ad vivum quasi ob oculos fidelium repraesentatur, & quasi in Tabella depingitur: & hoc modo incruentum dicitur; velut Tragoedia, quae est alicuius belli cruenti repraesentatio, dicitur bellum incruentum. Nam signa, & imagines earum rerum nominibus appellantur, quarum sunt signa, & imagines. Ergo sacrificium incruentum non est reale. Eusebius lib. 1. cap. 10. de Demonstrat. Evang. Incruentum, & rationale sacrificium offerimus. Clemens, Constitut. lib. 6. cap. 23.