Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

Missa privata.

Missa priuata.

1 Talis Missa privata, ubi sacerdos id quod consecravit solus sumit, & nemini communicat, non fuit nota in veteri, & puriori antiquitate, per an. 800. Hierony. in 1. Cor. 11. Dominica coena omnibus debet esse communis: quia ille omnibus discipulis qui aderant, tradidit aequaliter sacramenta. Et sanguinem populo communicatum, ait, in 3. cap. Sophoniae. Hanc damnavit Chrysostom. hom. 3. in Eph. Frustra habetur quo•id•••a oblatio; frustr• s•amus ad altare: ne•o est qui •imu• ⟨p. 149⟩participat. Ista non ideo dico, ut simpliciter quomodocunque communicetis, sed ut dignos vos ipsos constituatis. Et in 1. Cor. 11. hom. 27. Tu autem quod commune est, non communicas: etenim pro omnibus pariter fractum est, & aequà portione distributum. Erasmus epist. ad Julium Pflugium: Sunt qui requirant in Missa communionem; sic fateor fuit à Christo institutum, & olim ita consuevit obseruari. Ipsi quoque Papistae fatentur, statutum fuisse primitivae Ecclesiae, ut omnes fideles quotidie communicarent. Durand. in rational. lib. 4▪ cap. 53. Hugo Card. in Luc. cap. 24. Cusanus epist. 7. ad Bohemos, ait, omnes non paratos ad perceptionem Eucharistiae, expulsos fuisse ab Ecclesia. Concil. Nannetensi, Sacerdos solus Missam celebrare vetatur: absurdum enim esse putavit, ut dicat, Dominus vobiscum, quum nullus sit qui respondeat. Vide Regin. lib. 1. de Eccles. Discipl. c. 191. Author apud Gregor. Mag. dialogorum lib. 2. cap. 23. Si quis non communicet, det locum. Carolus Magnus sanxit, ut omnes fideles communicent, & ad missas perexpectent sine alia depraedicatione, Legū Franciae lib. 1. cap. 132. Tempore Walefridi videntur caepisse solitariae Missae; ab eo tamen im probantur, de rebus Eccles. cap. 22. Per totam, inquit, Missam pro eis quàm maximè, & quasi nominatim oratur, qui ibi offerunt, & communicant. Possumus autem—dicere, caeteros in fide, & devotione offerentium, & communicantium perfidentes, eiusdem oblationis & communionis dici, & esse, participes. Quamvis autem, quum soli sacerdotes missas celebrant, intelligi possit, illos eiusdem actionis esse cooperatores, pro quibus tunc ipsa celebrantur officia, & quorum personam Sacerdos in quibusdam Responsionibus exequitur: tamen fatendum est, illam esse legitimam Missam, cui intersunt Sacerdos, respondens, offerens, atque communicans, sicut hoc ipsum compositio Canonis, seu precum evidenti ratione demonstrat. Micrologus cap. 19.