Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

Confessio Sacramentalis.

1 Confessio auricularis, id est, Confessio specialis omnium mortalium peccatorum, ad eorundem remissionem necessaria, & Sacerdoti occultè facta, caepit in Ecclesia urgeri & praecipi circa annos à Christo octingentos. Alcuinus ait de Divin. officijs, c. 13. in capite Jeiunij. Volens dimittere omnia his qui in se peccârunt, confi•eatur omnia peccata sua, quae recordari potest—. Concilium Cabilonense II. c. 32. Hoc emendatione egere perspeximus, quòd quidam dumb confitentur peccata sua Sacerdotibus, non plenè id faciunt. Quia ergo constat hominem ex duabus esse substantijs, animâ videlicet & corpore, & interdum animi mot•, interdum carnis fragilitate peccatur: solerti indagatione debent inquiri ipsa peccata, ut ex utrisqùe plena sit confessio: scilicet ut ea con•it•antur qu• per ⟨p. 181⟩corpus gesta sunt, & ea, quibus in sola cogitation delinquitur. Instruendus est itaque peccatorum suorum confessor, ut de octo principalibus vitijs, sino quibus in hac vita difficile vivitur, confessionem faciat. Concilium Moguntinum tempore Gregor. IIII cap. 26. Ab infirmis in mortis periculo positis, per presbyters pura inquirenda est confessio. Ante haec tempora exempla quaedam habemus huius confessionis; sed praeceptum nullum. Audoenus in vita Sti. Eligij. lib. 1. cap. 7. Non post •ongum spacium, cùm jam Eligius virilem ager•t aetatem, cupiens see vas exhibere Deo sanctificatum, ac metuens ne aliqua suum delicta pectus fuscarent, omnia ab adolescentia sua coram Sacerdote confessus est acta. Et ista consuetudo primò obtinuit in Monasterijs. Joannes Climacus in scala paradisi, grad. 4. circa ann. 580. Ante omnia verò culpas nostras praeclaro judici nostro solî confiteamur, omnibusque ▪ si ille ita jusserit, confiteri parati simus. Theodorus Studites Orat. fundebri in Sanctum Platonem. cap. 8. ait, Quodque laudabilius est, occultas mentis cogitations, & acta cuidam eorum qui praeerat, saepiùs confitebatur. Qu res magnum erat religionis illius indicium. Jàque cùm perfectè facere solitum esset, ei, qui confessionem ipsius adieba, admirationem & stuporem afferebat. Lex autem universalis, de huius confessionis necessitate ad salutem, primùm edita fuit in Cō cilio Lateran. sub Innocentio III.