A26815:1370
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Biography Julius Caesar Lagalla › JULII CAESARIS LAGALLAE VITA.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
quartam de Sanctissima Triade in Sacello Pontificio, Clement, gravissimo, & exactissimo judicio, semper probante. Paulo post, cum Philosophiam qui praelegeret in eodem Gymnasio defecisset, duobus jam exactis annis, nullo ex iis, qui proponebantur Clementi, probato, cum nulla ipsius intercessissent servitutis obsequia, nullus ambitus, nulla Principum gratia; quin cum nihil tale ipse cogitaret expectaretve, corporis & animi angoribus male fractus, singulari beneficentiae exemplo, sponte, & motu proprio, ut dici solet, tali provinciae obeundae aptissimus judicatus à prudentissimo Principe, muneri diu à pluribus expectato praeficitur; in quo postmodum constanti labour, & pertinaci studio usque ad annum quinquagesimum tertium suae aetatis perseveravit. Perspectum deinde est, Clementem diu versantem animo cui deferendum esset negotium tam arduum, qui & ejus dignitatem sustineret, & munera persolveret, à Bernardino Biscia Aulae Consistorialis, ut vocant, Advocato, atque eo tempore Collegii Praefecto, viro, & majorum gloria, & doctrinarum laud, & eruditionis praestantia in Romana aula, nemini secundo, ut illud Caesari, adhuc inscio praeter spem omnem, & expectationem committeret, nolentem, lubentemque deductum fuisse. Sane Historiarum monumentis compertum est, Bernardini majores ruentis Italiae cardines extitisse. Cum enim ad Tranum, Trajanopolim olim dictam, à Trajano Imperatore conditam, miles Italus ab hoste multis contumeliis affectus, pro patrio decor, aequo in campo libenter see pugnaturum obtulisset, de communis consilii sententia à N•mursio, & Consalvo Ducibus, fide atque obsidibus utrinque datis, & pactis jurejurando constitutis, campo inter Barolum, Andriam, & Quaratam, modicis spatiis, ne pugna diutius traheretur, circumscripto, ex Gallico genere tredecim equites undique delecti sunt; totidemque Itali praestantiores illustrioresque, poscebat convenire, qui alacri postea certamine victoriam, aeternumque nomen sibi […] Italiae compararunt. Inter illos, Romani Joannes Capocia, Hector Juvenalis, & Joannes Bracalon qui Bisciam Familiam, ac ipsum Bernardinum (Laudonia namque Bracalonis filia honestissima omniumque virtutum genere conspicua muliere Bernardinus erat prognatus) praecipuo virtutis militaris exemplo, triumphalique ex integra nationum gloria illustravit.
quartam de Sanctissima Triade in Sacello Pontificio, Clemente, gravissimo, & exactissimo judicio, semper probante. Paulo post, cum Philosophiam qui praelegeret in eodem Gymnasio defecisset, duobus jam exactis annis, nullo ex iis, qui proponebantur Clementi, probato, cum nulla ipsius intercessissent servitutis obsequia, nullus ambitus, nulla Principum gratia; quin cum nihil tale ipse cogitaret expectaretve, corporis & animi angoribus male fractus, singulari beneficentiae exemplo, sponte, & motu proprio, ut dici solet, tali provinciae obeundae aptissimus judicatus à prudentissimo Principe, muneri diu à pluribus expectato praeficitur; in quo postmodum constanti labore, & pertinaci studio usque ad annum quinquagesimum tertium suae aetatis perseveravit. Perspectum deinde est, Clementem diu versantem animo cui deferendum esset negotium tam arduum, qui & ejus dignitatem sustineret, & munera persolveret, à Bernardino Biscia Aulae Consistorialis, ut vocant, Advocato, atque eo tempore Collegii Praefecto, viro, & majorum gloria, & doctrinarum laude, & eruditionis praestantia in Romana aula, nemini secundo, ut illud Caesari, adhuc inscio praeter spem omnem, & expectationem committeret, nolentem, lubentemque deductum fuisse. Sane Historiarum monumentis compertum est, Bernardini majores ruentis Italiae cardines extitisse. Cum enim ad Tranum, Trajanopolim olim dictam, à Trajano Imperatore conditam, miles Italus ab hoste multis contumeliis affectus, pro patrio decore, aequo in campo libenter se pugnaturum obtulisset, de communis consilii sententia à Nmursio, & Consalvo Ducibus, fide atque obsidibus utrinque datis, & pactis jurejurando constitutis, campo inter Barolum, Andriam, & Quaratam, modicis spatiis, ne pugna diutius traheretur, circumscripto, ex Gallico genere tredecim equites undique delecti sunt; totidemque Itali praestantiores illustrioresque, poscebat convenire, qui alacri postea certamine victoriam, aeternumque nomen sibi Italiae compararunt. Inter illos, Romani Joannes Capocia, Hector Juvenalis, & Joannes Bracalon qui Bisciam Familiam, ac ipsum Bernardinum (Laudonia namque Bracalonis filia honestissima omniumque virtutum genere conspicua muliere Bernardinus erat prognatus) praecipuo virtutis militaris exemplo, triumphalique ex integra nationum gloria illustravit.