Vitæ selectorum aliquot virorum qui doctrinâ, dignitate, aut pietate inclaruere

ORATIO IN MEMORIAM CLARISSIMI VIRI GULIELMI CAMDENI, Lecturae Historicae apud Oxonienses Fundatoris, Prolata per ZOUCHEUM TOWNLEY ex Aede Christi. Oratorem publicum tunc temporis deputatum.

Ultimam solennitatis vestrae panegyrin, redux occupavit Carolus; cum rarum illud profundi depositum, cum salutem nostrum omnium, erudita suscepimus laetitia. Inexpectato tamen fatorum ordine, vix limen patriae, fama reditus salutavit, quin Camdenus vester expiraturus est. Restitutam scilicet adventu Principis Britanniam sentit, & foelicitatem publicam suo funere auspicatur. Quo properas Camdene? siste tam celerem gradum; Carolus te jubet, siste. Nescis adhuc certos Britanniae limits; Nescis spem, victoriasque Caroli; siste. Forsan trophaeis numerosior, quam fuerat periculis, aequor reviset, & peregrinas sedes iterum, triumphans, ambiet. Forsan interminus vigour Europae deploret angustiam, & in ipsis Asiae finibus, tuam, quam quaerat aetas proxima, collocet Britanniam: Nunquam deerit, salvo Principe, ampla foelicitatis materies, quae scriptores provocet. Deeritque semper, te mortuo Camdene, qui scribat. Et utinam non deesset hodie, Auditores, qui vestrum vobis promeret Camdenum; Rerum certe magnitudini long imparem verborum fidem, noster agnoscit metus, & trepidantis animae infoelicior oratio; Erigit tamen labantem spiritum candour Academicus, m• que pene invitum, & vellem Camdeni Genio pleniorem, vobis obtrudit. Non est autem ea argumenti sterilitas, ut longa parentum serie Camdeni nomen deducerem: Quid derivatum poscimus familiae decus? Quid altiora stemm• tum insignia, illo tantum accipienda nomine, quia Camdenus contulit? Neque hodierni instituti est, devia verborum levitate, Camdeni patriam vobis proponere: Camdenus sibi ipse Patria est. Agnoscit tellus Britannica mira industriae & gratitudinis pignora, agnoscit aurae tenuis aeternum foenus; & illum see genuisse gloriatur, per quem ipsa viveret. Quin video attentiores Auditorum animos, & Camdenum à me acrius poscentes; dum ipse aequa vicissitudine vos à Camdeno postulo. Elaboratam Britanniae paginam sagax peragravit calams, & intra libri limits conventum praevidit Academicum; illic prius […] quemque vestrum inter legendum […]. Hinc […] […]