A26815:1581
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
In Regimine totius Synodi emicuit Johannes Bogermannus, Synodi Praeses, & apparuit aptiorem eligi non potuisse. In proponendo controversiae statu […] Hommius, jam antea illis saepius agitatus: qui tamen frequenter de his […] Walaeo conferebant. Sed in expendendis controversiis, stabiliendis aut ⟨p. 633⟩solvendis argumentis, vindicandis exceptionibus Walaeus excelluit: quare si quid difficile occurreret enodandum, ut epistolae ad Romanos explicatio, Walaeo injungebatur: si quid accurate prudenterque definiendum esset, Walaei judicio submittebatur. Unde eorum unus electus est, qui canones Synodi constituerent, qui rationes adderent quare Remonstrantium doctrina rejiceretur. Habebaturque Walaei prudentia non parum factum fuisse, ut tota Synodus in eos consentiret. Quam ob causam à Politicis, ab exteris, qui causam aemulationis non habebant, nemo magis aestimatus allectusque fuit. Et res ipsa aemulo suo Aegidio Bursio elicuit has voces, Walaeum in Synodo omnes superare: dum à Class Walachra extra ordinem ad Synodum delegatus Bursius, quae egisset audivissetque deberet referre. Tantum est ingenio, judicio pollere, studuisse bene, omnia aequanimitate quadam perpendere, certa audere asserere, de incertis prudenter dubitare.
In Regimine totius Synodi emicuit Johannes Bogermannus, Synodi Praeses, & apparuit aptiorem eligi non potuisse. In proponendo controversiae statu 〈…〉 Hommius, jam antea illis saepius agitatus: qui tamen frequenter de his 〈…〉 Walaeo conferebant. Sed in expendendis controversiis, stabiliendis aut ⟨p. 633⟩solvendis argumentis, vindicandis exceptionibus Walaeus excelluit: quare si quid difficile occurreret enodandum, ut epistolae ad Romanos explicatio, Walaeo injungebatur: si quid accurate prudenterque definiendum esset, Walaei judicio submittebatur. Unde eorum unus electus est, qui canones Synodi constituerent, qui rationes adderent quare Remonstrantium doctrina rejiceretur. Habebaturque Walaei prudentia non parum factum fuisse, ut tota Synodus in eos consentiret. Quam ob causam à Politicis, ab exteris, qui causam aemulationis non habebant, nemo magis aestimatus allectusque fuit. Et res ipsa aemulo suo Aegidio Bursio elicuit has voces, Walaeum in Synodo omnes superare: dum à Classe Walachra extra ordinem ad Synodum delegatus Bursius, quae egisset audivissetque deberet referre. Tantum est ingenio, judicio pollere, studuisse bene, omnia aequanimitate quadam perpendere, certa audere asserere, de incertis prudenter dubitare.