A26815:1712
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Sic in otio neutiquam ignavo vires idoneae suppetebant satagenti: sic omnes omnium imperiorum historias evolvit, unde, quae ad proposita facerent excerperet. erant ad manum libri & praesto veterum chartarum supellex, unde arcana temporis anteacti paterent: summa sagacitas indagandis vestigandisque, summa discernendis peritia, examinandis pensitandisque judicium circumspectissimum. Tam clarae indolis juveni latere diu non licuit. ilico fama propinquos & adfines, quos habuit è praecipuis Lutetiae magistratibus complures, excivit. inde ad alios passim pervagata, conflavit amicorum copiam tanto paratu spectabilem, ut nemo jam in urbe virtutis aut eruditionis gloria censeretur, qui Puteano illa jam aetate florentissimo non faveret, Scaligeri Lipsiique & caeterorum paternae memoriae cultorum commendation observantiaque notissimo. Inter caeteros ego tunc Francisci Pithoei benivolentia fruebar, qui Petro Pithoeo fratri jam novennio ⟨p. 664⟩superstes maximi viri nomen peculiarly sua laud sustinebat. Is mihi fores ad Jacobum Augustum Thuanum aperuit, & gloriari liceat tanto ductore, mox & ad Puteanos. Ac Thuanum quidem jam in amplissimo Senatu praesidem de prima illa suarum historiarum edition cogitantem reperi: Puteanos, trina germanitatis suae concordia paternae bibliothecae amplificandae curam concipientes: Petrum ipsum quotidianae forensium exercitationum auscultationi studia illa, quae regnorum atque populorum jura temperant, superinducentem. Ab eo tempore, quod semiseculum prope d•currit, nobiscum intercessit amicitia tam bonis orta principiis, ut etiamnunc Petri obitu, media parte apud Deum translata, non interrupta nec intermissa, sed immortalitati tradita continuare sentiatur. Illius vero semiseculi annos •ctodecim sibi vindicat Jacobus Augustus Thuanus. etenim tamdiu ego & Puteanus cum ipso perpetua familiaritate conjunctissimi viximus. Summa illie opinandi, interrogandi ac disserendi libertas. sic tamen ut honoris & modestiae magistra severitas ubique praeesset: summa fides, summus candor, summa sinceritas. Atque hoc ipso temporis spatio suavissime ac diligentissime, qua litteris, qua consuctudine, officiis & obsequio, coluimus è magistratibus Achillem Harlaeum Senatus princip•m, Thuani sororium, Jacobum Gillotum, Ludovicum Servinum, Jacobum Gueslam, summos in Senatu viros:
Sic in otio neutiquam ignavo vires idoneae suppetebant satagenti: sic omnes omnium imperiorum historias evolvit, unde, quae ad proposita facerent excerperet. erant ad manum libri & praesto veterum chartarum supellex, unde arcana temporis anteacti paterent: summa sagacitas indagandis vestigandisque, summa discernendis peritia, examinandis pensitandisque judicium circumspectissimum. Tam clarae indolis juveni latere diu non licuit. ilico fama propinquos & adfines, quos habuit è praecipuis Lutetiae magistratibus complures, excivit. inde ad alios passim pervagata, conflavit amicorum copiam tanto paratu spectabilem, ut nemo jam in urbe virtutis aut eruditionis gloria censeretur, qui Puteano illa jam aetate florentissimo non faveret, Scaligeri Lipsiique & caeterorum paternae memoriae cultorum commendatione observantiaque notissimo. Inter caeteros ego tunc Francisci Pithoei benivolentia fruebar, qui Petro Pithoeo fratri jam novennio