A26815:1716
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Interea missus ab Rege ad Ordines Hollandiae foederatos Bossisius, populis amicis, aliquid in religionis suae statu reique publicae regimine turbantibus, concordiam suasurus, obeundae legationi profectionem adornabat; & factis super ear sermonibus senserat haud insuave fore Puteano perlustrare oculis regiones amplitudine commerciorum & militari disciplina, sed & Scaligeri nuper hospitio tumuloque nobiles. Itaque comitem abduxit sibi, perspectaque amici prudentia, quamdiu legationis ordo processit, consiliorum & secreti participem habuit. Hujusce autem peregrinationis occasione Puteanus Hugonem Grotium, Danielem Heinsium, & alios eruditionis gloria celebres amicitiae foedere sibi devinxit; notitia nominis & fama sui conciliatrice. Grotium quidem, merito •am suo commentatissimum, quem dissidia quarundam è Batavis civitatum •raxerant in parts Barneveldii, Bossisius secundum mandata regia salvo Barneveldio partium duce, salvum & incolumem cupiebat. Verum, Barneveldio criminationibus oppresso, Grotio Barneveldianae causae nexibus intricato, factio praepotens ut•umque damnavit; ac paulo post reditum Bossisii Barneveldio caput abstulit, Grotio libertatem. Puteanum reducem amici excepere confertim gratulantes precantesque omnia fausta felicia fortunata. Biennio post, mortuo Francisco Pithoeo, Augustobonam Tricassium regio diplomate missus est, repetitum & recognitum chartas ad jura regia pertinentes, quae penes Pithoeum illum Petri fratrem, etiam rerum nostrarum externa•umque been peritum, depositae suerant pro finibus regundis constituendisque limitibus agrorum, de quibus erant inter Regem & fivitimos Principes haud levis momenti controversiae, Amico ad amici heredes intranti patuit tablinum, & exhibita omnis chartea supellex. bona fide cuncta perscrutatus, con••••t rep••torum indices, & quicquid erat regii sive publici, permittentibus ⟨p. 661⟩defuncti cognatis absportari Lutetiam jussit ad Regium Procuratorem, ab eoque sibi & heredibus Pithoei cautions dari curavit. Anno sequenti exortis super Arverniae comitatu, superque Turris baronatu quaestionibus, ad regia jura pernoscenda visum est negotia publica ministrantibus inspici veteres tabulas, quas in arce Mercurolina servari sciebant.