A26815:1885
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Relicta Anglia Molinaeus Boloniam appulit. Appulso Campaniolus Bolonaei Praefectus milites duos custodes assignavit, dum ipse ejus scrinia scrutabatur. Enimvero id quod jussus erat facere faciebat. Cum enim Condaeus Princeps Protestantium Gallorum tunc temporis gratiam ambiret ut ab iis adjutus Mariae Regis Matri arma inferret, suspicabantur Regii Molinaeum in Angliam à Protestantibus missum fuisse, ut auxiliares copias à Rege Jacobo impetraret. Postquam vero Praefectus in Molinaei schedis nullum ejus rei indicium invenit, liberum eum cum suis impedimentis dimisit, rogatum ut nemini de hac injuria conquereretur. Quam indignus fuerit ea suspicion Molinaeus, mox patebit.
Relicta Anglia Molinaeus Boloniam appulit. Appulso Campaniolus Bolonaei Praefectus milites duos custodes assignavit, dum ipse ejus scrinia scrutabatur. Enimvero id quod jussus erat facere faciebat. Cum enim Condaeus Princeps Protestantium Gallorum tunc temporis gratiam ambiret ut ab iis adjutus Mariae Regis Matri arma inferret, suspicabantur Regii Molinaeum in Angliam à Protestantibus missum fuisse, ut auxiliares copias à Rege Jacobo impetraret. Postquam vero Praefectus in Molinaei schedis nullum ejus rei indicium invenit, liberum eum cum suis impedimentis dimisit, rogatum ut nemini de hac injuria conquereretur. Quam indignus fuerit ea suspicione Molinaeus, mox patebit.
Domum reversus Molinaeus multo cum dolore vidit Protestants parts Condaei adversus Regis Matrem amplecti; quod quidem erat adversus Regem ipsum bellum movere quippe quem Parlamentum sui esse juris & tutela egressum pridem agnoverat. Illos igitur tum concionibus tum Epistolis à tam illicito studio dimovere conabatur; Deo non tempori serviens. Ipsique debebant Regiae partes, quod ne unum quidem Protestantium oppidum cis Ligerim sese Principum partibus adjunxerit.
Domum reversus Molinaeus multo cum dolore vidit Protestantes partes Condaei adversus Regis Matrem amplecti; quod quidem erat adversus Regem ipsum bellum movere quippe quem Parlamentum sui esse juris & tutela egressum pridem agnoverat. Illos igitur tum concionibus tum Epistolis à tam illicito studio dimovere conabatur; Deo non tempori serviens. Ipsique debebant Regiae partes, quod ne unum quidem Protestantium oppidum cis Ligerim sese Principum partibus adjunxerit.