A26815:1975
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Anno MDCLX. rex optimus ac munificentissimus Henricum Valesium, meque una in numerum Historiographorum suorum retulit. Utrique separatis literis seorsum attributae annuae librae mille ducentae. Datum id (quantum ad fratrem attinet) novae Eusebii emendataeque editioni; quantum ad me, Historiae Francicae xxv. libris plurimisque observationibus illustratae.
Anno Domini M DC LXII. aetatis LIX. Valesius sinistrum oculum amisit, sicut pridem amiserat dextrum; & circiter tres menses in caecitate quantum fieri potuit dissimulata permansit: donce quidam genere Lingon, medicus ocularius, cataractam ab utroque oculo ejus amovit. Sed cataracta iterum pupillam dextram obtegente, cogitur ut prius uno oculo qualicumque esset contentus: cujus auxilio, quoties opus erat, subscribere solebat, agnoscebat etiam circumstantes, & adnotabat ora, vests gestusque singulorum. Praecipue cum domi, tum etiam foris per vicos urbis, equis & carrucis ac bajulis onera transversa ferentibus plenos, celery pede, recto vultu ac toto corpore, confidentissime incedebat, sine duce, si•e baculo: plane quasi bene oculatus haberi vellet. Quinetiam cum antea foris fam•lum nunc lateri suo adjunctum, nunc praevium habere consuevisset: postea tale auxilium fastidivit, nec aut praeire eum aut lateri suo adhaerere passus est: tamquam oculorum aciem recuperavisset, ac nullo amplius egeret auxilio. Quosdam ex amicis vidi, tam firmo & tam audaci hominis incessu deceptos, mirabundos, & quod de ipsius oculis audiverant, verum esse non credentes.
Anno Domini M DC LXII. aetatis LIX. Valesius sinistrum oculum amisit, sicut pridem amiserat dextrum; & circiter tres menses in caecitate quantum fieri potuit dissimulata permansit: donce quidam genere Lingon, medicus ocularius, cataractam ab utroque oculo ejus amovit. Sed cataracta iterum pupillam dextram obtegente, cogitur ut prius uno oculo qualicumque esset contentus: cujus auxilio, quoties opus erat, subscribere solebat, agnoscebat etiam circumstantes, & adnotabat ora, vestes gestusque singulorum. Praecipue cum domi, tum etiam foris per vicos urbis, equis & carrucis ac bajulis onera transversa ferentibus plenos, celeri pede, recto vultu ac toto corpore, confidentissime incedebat, sine duce, sie baculo: plane quasi bene oculatus haberi vellet. Quinetiam cum antea foris famlum nunc lateri suo adjunctum, nunc praevium habere consuevisset: postea tale auxilium fastidivit, nec aut praeire eum aut lateri suo adhaerere passus est: tamquam oculorum aciem recuperavisset, ac nullo amplius egeret auxilio. Quosdam ex amicis vidi, tam firmo & tam audaci hominis incessu deceptos, mirabundos, & quod de ipsius oculis audiverant, verum esse non credentes.