A26815:2003
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Sed dum Usserius noster adeo avide instaret Theologiae studiis, ecce remora, quae tam festinantem ejus cursum sufflaminaret. Siquidem illud tempus jam supervenerat quo Pater illum voluit ad juris Anglicani studium, uti olim constituerat, applicare, qua in re, vincente animum reluctantem pietate, morem parenti gerere paratus erat, nisi Patris mors intervenisset ac debitum Theologiae ingenium tam ardenti suo desiderio restituisset. Veruntamen nova illi exinde difficultas & solicitudo exorta est; ne scilicet ampla illa quae Pater reliquerat latifundia curis illum & spinosis controversiis, literarum studiis quam maxime inimicis, implicarent, has ille quo facilius devitaret, exuebat see patrimonio suo; illudque fratribus ac sororibus suis herciscundum permisit, seipsum interim Dei providentiae resignans, cujus ministerio see jam devoverat. Verum ne vel temere vel ex animi imbecillitate potius quam prudenti ac deliberato consilio cessisse forte putaretur, patrimonii sui statum ipse prius accurate descripsit, tum vero quibus illud applicari voluit usibus, prudenter quidem, indicabat. Hac ille ratione ex impedimentis illis veluti extrieatus, acriore jam animo urgebat institutum suum; atque annum aetatis vicesimum assecutus, magister Artium ⟨p. 738⟩renunciatus, ac disputation Philosophica in publicis Comitiis defunctus est.
Sed dum Usserius noster adeo avide instaret Theologiae studiis, ecce remora, quae tam festinantem ejus cursum sufflaminaret. Siquidem illud tempus jam supervenerat quo Pater illum voluit ad juris Anglicani studium, uti olim constituerat, applicare, qua in re, vincente animum reluctantem pietate, morem parenti gerere paratus erat, nisi Patris mors intervenisset ac debitum Theologiae ingenium tam ardenti suo desiderio restituisset. Veruntamen nova illi exinde difficultas & solicitudo exorta est; ne scilicet ampla illa quae Pater reliquerat latifundia curis illum & spinosis controversiis, literarum studiis quam maxime inimicis, implicarent, has ille quo facilius devitaret, exuebat se patrimonio suo; illudque fratribus ac sororibus suis herciscundum permisit, seipsum interim Dei providentiae resignans, cujus ministerio se jam devoverat. Verum ne vel temere vel ex animi imbecillitate potius quam prudenti ac deliberato consilio cessisse forte putaretur, patrimonii sui statum ipse prius accurate descripsit, tum vero quibus illud applicari voluit usibus, prudenter quidem, indicabat. Hac ille ratione ex impedimentis illis veluti extrieatus, acriore jam animo urgebat institutum suum; atque annum aetatis vicesimum assecutus, magister Artium