A26815:2036
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Hoc ille gazophylacium omnigena erudition locupletavit. Cujus ope tot libros scripsit, quot praeter illum pauci, & quidem cum omni accuratione ac judicio, deque rebus fere arduis ac utilissimis. Hujus armarii ope toties ille cum hoste conflixit, toties idem de hoste triumphavit.
Hoc ille gazophylacium omnigena eruditione locupletavit. Cujus ope tot libros scripsit, quot praeter illum pauci, & quidem cum omni accuratione ac judicio, deque rebus fere arduis ac utilissimis. Hujus armarii ope toties ille cum hoste conflixit, toties idem de hoste triumphavit.
At diligentiam ejus & industriam quis non mirabitur? ego certe quoties eam cogito non possum quin exclamem (quod de Caesare Cicero) ô horribilem diligentiam!
Pectus ejus pietatis sacrarium erat; humilitas & mansuetudo erant in illo plane [Greek or Hebrew], mirabilis ejus in prosperis rebus moderatio, in adversis patientia, in omnibus constantia & aequanimitas. Paci studuit, ut qui maxime, fratrum dissidiis vehementer indoluit: tantum aberat ab injuria cuiquam inferenda, ut ne sibi quidem illatam ulcisceretur, verum ex Evangelicae legis praescripto etiam inimicos diligeret ac amoris officiis prosequeretur.
Pectus ejus pietatis sacrarium erat; humilitas & mansuetudo erant in illo plane 〈non-Latin alphabet〉, mirabilis ejus in prosperis rebus moderatio, in adversis patientia, in omnibus constantia & aequanimitas. Paci studuit, ut qui maxime, fratrum dissidiis vehementer indoluit: tantum aberat ab injuria cuiquam inferenda, ut ne sibi quidem illatam ulcisceretur, verum ex Evangelicae legis praescripto etiam inimicos diligeret ac amoris officiis prosequeretur.