Vitæ selectorum aliquot virorum qui doctrinâ, dignitate, aut pietate inclaruere

Subrisit ille, & perquam facetè, ut ut morti proximus, à me sanè inquit si obiero, non est, quod objurgationem metuat quispiam. Mox serio, compositus ad gravitatem subdidit, agere see illi gratias; imminere sibi, nec imprudenti aut inscienti postremum vitae actum, daturumque operam ut concluderet non indecore. Et quidem multis antequam decumberet diebus, de valetudine ut fit percunctantibus, respondebat, tam diu ferri se ad metam sagittae in morem; obrepere sibi festinam praecipitemque senectutem ut eo responso monstraret.

Subrisit ille, & perquam facetè, ut ut morti proximus, à me sanè inquit si obiero, non est, quod objurgationem metuat quispiam. Mox serio, compositus ad gravitatem subdidit, agere se illi gratias; imminere sibi, nec imprudenti aut inscienti postremum vitae actum, daturumque operam ut concluderet non indecore. Et quidem multis antequam decumberet diebus, de valetudine ut fit percunctantibus, respondebat, tam diu ferri se ad metam sagittae in morem; obrepere sibi festinam praecipitemque senectutem ut eo responso monstraret.

Decessit Prid. Non. Aug. 1601. animo pridie ritè expiato; cum enim animadvertissimus nos, qui aegrotanti assidebamus, adventare jam mortem, monuimus recte facturum si abstergeret sacra confessione anteactae vitae labes, praeceptoque sanctissimo Domini corpore, ad supremum se iter compararet. Deliberaverat ille, ut diximus, exequi haec in assumptae Virginis beatissimae venerationem, ejusdem festo die. At ex horum frequenti usu vegetiorem ⟨p. 370⟩fieri animum probè sciens, eo praesertim tempore, quo sibi erat cum morte colluctandum, gessit nobis morem, adhibitoque Sacerdote, qui tum ipsi erat à confessionibus, Eucharistiam in crastinum sumere distulit, ut ad sacrum convivium paratior accederet; decreverat autem, ut retulit confessarius, tum demum testari, & haeredibus suis eo pacto prospicere, quorum in se benevolentiam postremo hoc elogio fraudare parùm officiosum ducebat. Porro Sacerdo, consilium laudavit, adjecitque optimum fore si non in crastinum differret. Excepit is, rejicere see consulto testamenti factionem in crastinam diem, ut praesentis Dei ope, rem non ita facilem aggrederetur. Vesperi coenavit hilaris; meque intuens, qui ibi pernoctare desieram ab adventu Caesaris Pinelli, qui patruo ut adesset Neapoli advenerat, monuit, ut domum abirem, adventasse jam noctem, viderem ne per tenebras aliquid caperem detrimenti. Ast ego negavi me discessurum, velle siquidem apud Caesarem coenare; quod ille subridens probavit. Ego sanè animum induxeram per eam noctem emanere eo consilio, ut sanctissimam Eucharistiam percepturo adessem, at Deus. Opt. Max. eam mihi mentem (ni fallor) injecit, ut viri in re literaria memoria nostra sacile principis, extremum spiritum exciperem, & piis de more precibus prosequerer abeuntem. A coena ipsius temporis nescio quid sermonibus extraximus, quousque illi visum instare coenae nostrae tempus. Tunc is me discedentem affatus, erupit in haec postrema verba: Tibi gratias mi Gualde, praeagienti similis, & supremum valere pronuncianti. Tum Caesarem enixè intuens salutavit alacriter. Quo factum ut nos in eam spem veniremus, producturum vitam ad aliquod tempus. At veluti in lychno intermoriens flamma erigit se subinde, & cum proximo defectu collectis viribus luctatur: ita Pinelli vires collegerant sese adversus impendentem mortem, & in corpusculo illo, quod vis diuturni morbi exederat, suprema munera peragebant.