A26932:26
Gildas Salvianus: The Reformed Pastor
Gildas Salvianus, the reformed pastor showing the nature of the pastoral work, especially in private instruction and catechizing : with an open confession of our too open sins : prepared for a day of humiliation kept at Worcester, Decemb. 4, 1655 by the ministers of that county, who subscribed the agreement for catechizing and personal instruction at their entrance upon that work / by their unworthy fellow-servant, Richard Baxter ...Gildas Salvianus, the reformed pastor shewing the nature of the pastoral work, especially in private instruction and catechizing : with an open confession of our too open sins : prepared for a day of humiliation kept at Worcester, Decemb. 4, 1655 by the ministers of that county, who subscribed the agreement for catechizing and personal instruction at their entrance upon that work / by their unworthy fellow-servant, Richard Baxter ...
London: printed by Robert White for Nevil Simmons, 1656
Preface: To my Reverend and Dearly beloved Brethren, the faithful Ministers of Christ, in Britta…
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
sed videamus & sequentia. Domum suam (inquit) benè regentem, filios habentem, subditos in omni castitate. Ergo imperfecta est patrum castitas, si non item & filiorum accumuletur? Sed quid erit, ubi nec pater, nec filius, mali genitoris exemplo privatus, conspicitur castus? Si quis autem domui suae praeesse nescit, quomodo Ecclesiae Dei diligentiam adhibebit? Haec sunt verba ⟨image 10⟩quae indubitatis affectibus approbantur. Diaconos sim liter pudicos, non bilingues, non vino multo deditos, non turpelucrum sectantes, habentes ministerium fidei, in conscientia pura. Hi autem probentur primum, & sic ministrent nullum crimen habentes. His nimirum horrescens diu immorari, unum veridice possum dicere. Quin haec omnia in contrarios actus mutantur, ita ut clerici quod non absque dolore cordis fateor, impudici, bilingues, ebrii, turpis lucri cupidi, habentes fidem, & ut verius dicam, infidelitatem, in conscientia impura, non probati in bono, sed in malo praesciti ministrantes, & innumera crimina habentes, sacro ministerio adsciscantur. Audistis etiam illo die, quo multo dignius, multoque rectius erat, ut ad carcerem vel catastam poenalem quam ad sacerdotium traheremini domino scitante, quem se esse putarunt discipuli, Petrum respondisse. Tu es Christus filius Dei, eique dominum pro tali confessione, dixisse. Beatus es Simon Barjona, quia caro & sanguis non revelavit tibi, sed pater meus, qui in coelis est. Ergo Petrus à Deo Patre doctus rectè Christum consitetur. Vos autem moniti à patre vestro Diabolo iniquè, salvatorem malis actibus denegatis. Vero sacerdoti dicitur: tu es Petrus, & super hanc petram, aedificabo ecclesiam meam. Vos quidem assimilamini viro stulto, qui aedificavit domum suam, super arenam. Notandum vero est, quod insipientibus in aedificanda domo, arenarum pendulae mobilitati Dominus non cooperatur, secundum illud. Fecerunt sibi reges; & non per me. Itidemque quod sequitur eadem sonat dicendo. Et portae Inferi non praevalebunt, ejusque peccata intelliguntur. De vestra quidem exitiabili factura pronunciantur. Venerunt flumina, flaverunt venti, & impegerunt ⟨image 10⟩in domum illam, & cecidit, & fuit ruina ejus magna. Petro ejusque successoribus dicit Dominus, & tibi dabo claves regni coelorum. Vobis vero; Non novi vos, discedite à me, operarii iniquitatis, ut separati sinistrae partis hoedi eatis in ignem aeternum. Itemque omni sancto sacerdoti promittitur.