A47571:47
Rhetoricae adumbratio opera & studio
Rhetoricae adumbratio opera & studio / H. Knollys.
Londini : s.n, 1663
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
2. Anadiplosis est, quando sonus in sine sententiae praecedentis, iteratur in principio sequentis: ut, Certent & cygnis ululae, sit Tityrus Orpheus; Orpheus in sylvis, inter Delphinas Arton. Anadiplosis pluribus gradibus continuata, dicitur Climax: ut, Industria parit virtutem, virtus gloriam, gloria inimicitias, inimicitiae pericula.
3. Anaphora est repetitio soni similis in principiis sententiarum: ut, Tu sol, tu clypeus, tu Dominus, tuis Tu das conspicua fulgere gloria.
4. Epistrophe est, cum similis sonus in clausulis iteratur: ut, Cum essem infans; loquebar; ut infans; sapiebam, ut infans; cogitabam, ut infans.
Est haec, Judices, non scripta, sed nata lex; quam non didicimus, accepimus, legimus; verum ex ipsa natura arripuimus, hausimus, expressimus: ad quam non docti sed facti; non instituti, sed imbuti sumus.