B07434:122
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
ADTIMCHIOL AN CHREIDIMH COMHAGHALLVIDHEDAR AN MAIGHISER, AGAS AN FO… › Sunday 4: DOMH. 4.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
26. Tree neamh & thallamh nach dtuigeand tu do bhair an lion ata do chreatuiribh vile jonta?
26. Tre neamh & thallamh nach dtuigeand tu do bhair an lion ata do chreatuiribh uile jonta?
Tuigjm cheana & ataid ar na gcomhchongmhail faoi an da ainmse vile an mhed go bfuilid neamhdha vile no talmhaidhe.
27. Achd creud fa ngoircand tu do Dhia cruthdighteeoir a mhain an mhed gurab fe árr go mór na creatuir do choimhed & do chomhanacul ina staid fain ino én vair amháin a gcruthughadh?
27. Achd creud fa ngoircand tu do Dhia cruthdighteeoir a mhain an mhed gurab fe árr go mór na creatuir do choimhed & do chomhanacul ina staid fein ino én vair amháin a gcruthughadh?
Ni nochtar less an mbeag chuidse amhain dia do chruthughadh en vair a oibrighe; amhlaidh sin jondas gur thelg see agcui am dhe o sin amach acht is mo is jonghabhtha dhújnne ar an gcorsa am hail do rindeadh an domhan ar tús les gur ab amhlaidh sin anois ata see arna chomhchojmhed lis jondas nach seasand an talamh & an'uile ní ar chor ese, acht an mhed le neartsan & mur budhe le laimh chondaimhthear suas jad: tuilleadh ele an med go bfuilid an'uile mursin age fa lajmh; leanfaidh fos & criochnochar dhe sin gurab eissan ardriaghlaightheoir nimhe & talmhan e, is intuicte gurab e an taón ata le mhaitheas neart & ghliocas ag riaghladh vile chursa & ordaighthe na naduire is ughdar maraon na fearthana & an tarta an chloichshneachta & na ndoineand ele & na soinend, neoc do ní an talamh torrach, & do ní é arís ag tarraing a laímhe tar ahais aimrid o dtig id slainte & easlainte araón neoch fós fadheoidh, is fá chumhachtaibh, & fâ ghuibhernoracht, & fhlaitheas ataid na huile, & dá n'umblaighidh tré smédcagh.