B07434:190
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
ADTIMCHIOL AN CHREIDIMH COMHAGHALLVIDHEDAR AN MAIGHISER, AGAS AN FO… › Sunday 8: 8. DOMH.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
58. Acht do ardlabhair & tug Pilatus amhail cert a bheth nemhchiontach, & vim sin nir damhain sê e mar chiontach, & fear dheanta uilc?
58. Acht do ardlabhair & tug Pilatus amhail cert a bheth nemhchiontach, & uime sin nir damhain sê e mar chiontach, & fear dheanta uilc?
Is jntuicte an taon oil: oir is see adbhar as adtug an breatheamh fjadhnaise a nemhchiontaighe amach do chum gomadh lan follas nach do chionta mhituillteanasa fen, acht ar son ar lochtne do buaileadh e, & gidheadh do rer anosa ghnathaighe do dhamhnadh e isin am sin fen le ragha, & le sentens an bhretheamhain chedna do chum gomadh follus a dhul fan mbhreatheamhnas, dobhamairne do thuilleadh, amhaill ar n'urra do chum go saoradh, & go dteas argadh see find on phecadh, & on mhallchadh.
Is jntuicte an taon oile: oir is se adbhar as adtug an breatheamh fjadhnaise a nemhchiontaighe amach do chum gomadh lan follas nach do chionta mhituillteanasa fen, acht ar son ar lochtne do buaileadh e, & gidheadh do rer anosa ghnathaighe do dhamhnadh e isin am sin fen le ragha, & le sentens an bhretheamhain chedna do chum gomadh follus a dhul fan mbhreatheamhnas, dobhamairne do thuilleadh, amhaill ar n'urra do chum go saoradh, & go dteas argadh se find on phecadh, & on mhallchadh.
59. Maith adubhradh: oir damadh peacach é ni budh rádh dhiongmhalta e do diol pene, & peandaide peacaidh dhuine ele, gideadh do chum go rachadh a damnadhson dhuinne go fior fhuasgladh do b'égin a aireamh Ameasg lochta deanta uilc.