B07434:563
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
228. IS follus & is jnbhreaghnaighthe as so amhail ataid dá gné dhaoine and gurab amhlaidh sin ata oifice an lagha dúpalta?
Is jnbhreaghnaighthe choidhche: oir ni fhuil see ag dénamh réd ele abfocharr na nemhchredeamhnacha ach ag roimhiadhaidh orra, & ag breath nadh gach vile lethsgêl abhfiadhnaise DE (& is se so any comharradheas Pól, an tan ghoireas see dhe ministreacht an bhaís & a n'damnaidh) ach ata chlaochlodh sin do tharbha & do bhriogh age dona daoinibh credeamhnach.
Is jnbhreaghnaighthe choidhche: oir ni fhuil se ag dénamh réd ele abfocharr na nemhchredeamhnacha ach ag roimhiadhaidh orra, & ag breath nadh gach uile lethsgêl abhfiadhnaise DE (& is se so ani comharradheas Pól, an tan ghoireas se dhe ministreacht an bhaís & a n'damnaidh) ach ata chlaochlodh sin do tharbha & do bhriogh aige dona daoinibh credeamhnach.
229. Cia hé sin?
Ar tús an gcen foghlumas siad; nach bfedfaid fain fírentacht d'faghail le hoibrighibh; ataid arna dteagasg go humla ar an gcorsa, neoch is fír roimhullmhughadh, & dheasughadh d'larraidh slanaighe agCriosd: ina dhiaidh so an mhéd go bfuil see ag jarraidh agas ag teandadh abharr go mor orra tar anní fhédas jad do dhénamh, & do dhíol, ata, see, aga, mbrosdughadh d'iarraidh bhriogha & nerta ar an tigearna, & ata see ag tabhairt rabhaidh doibh maraon dtimichiol an ghnáth pheacaidh, suil, bhiadh do chroidhe aca ambeth uaibhreach: fadheoidh ata see amhail shrian doibh le gcondaimhthear jad an'eagla Dé.