B07434:748
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
312. An bfuil an oirradsa do bhríógh, & do nert isin tsuagheantus fhaicseanaigh; jondas, gobfedan sé na coinsiasa do dhaingniughadh and óchas an tslanaighe?
Ni fhuil sin aice dhi fain gan amharus, acht do dheoin, & do thoil DE arson gur hordaigheadh less í gus an gcrichse.
Ni fhuil sin aice dhi fein gan amharus, acht do dheoin, & do thoil DE arson gur hordaigheadh les í gus an gcrichse.
313 Os obair airidhe an Spiorad gheallta Dê do shelughadh inar gcriodhíbh ciondas ata túsa do thabairt so dona sacramentibh?
Is fada, & is adbhal an teadardheallughadh ata eatorra sin: oir is ar an Spiorad naomh fhearus na nechese dariribh; aghon, na croidheadha do ghluasacht, do bhogadh, & do maothughadh, nahindtinde d'foillieochadh, na coinsiasa do dhéneamh samach; jondas, go n'dleaghar aní sin vile do bhreathnughadh abheth ina ghniomharuidhe dhósan, & ambuidhechas do thabhairt dó gan amholadh do chur íul ele: gidheadh ní loighide ghnáthaigheas Día na sacrament mar bhalla meadhonacha, & go guireand sé jad gus an tarbha do chiothar dhó fain, & go dén sé sin ar mhodh; jondas, nach beartha maoin ó bhrígh an Spiorad.