B07434:763
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
319. Creud fa nabair thú gur b'in jarrtha Chriost jonta?
Artúsa ag tuigse nach jnghreamaighthe, & nach ion leanta ris na comharraighdhaibh faicseanach: jondas go niomhaigheam, no go smuafneam slanugh; aghon; bríogh an ghrása do bheth játa jonta, acht is mó is jnghabhtha dhuinn an comharrdha an'áit cuidighe; jondas go n'dîrgheadh sê sind go dîreach go Criost ar mbheth dhuínn ag jarraidh ar n'ardaoibhnis, & ar slanaighe ⟨p. 92⟩dhaingin and.
320. O do jartharr credeamh do chum a ngabhala; & a nghnáthaighe; ciondas ader tú ad tabhairt dûinn do dhaingneochadh ar gcredimh; jondas gó ndénnand siad sind ni as sbiondamhla, ino do bhimis go soich so adtimchiol geallta DE.
Ni fóghnand an chredeamh do bheth èn nuair arna tiondsgna jondaind muna bheathaighth|'ar, & oiltar jondaind é do ghnath, & muna mhèdaighar ni is mô, & ni is mô gach laoi jondaind e: ar an adhbharsin do hordaighdadh na Sacrament less an tighearna da beathughadh da sbiondughadh, & da tógbhail suas a'nairde, a'ní ata Pól do chomharrdhughadh antan adder see tabhacht do bheth jonta do dhaingnighadh, & do shelughadh geallta DE.