B07434:98
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas…
[Adtimchiol an chreidimh comhaghalluidhedar an maighiser, agas an foghluinte:] [aghon, minisder an tsoisgeil, agas an leanamh].
Edinburgh : J. Wreittoun, 1631
ADTIMCHIOL AN CHREIDIMH COMHAGHALLVIDHEDAR AN MAIGHISER, AGAS AN FO… › Sunday 2: DOMHNACH. 2.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
15. Anois budh mhian leam suím an'eolais so a chloisdin vait?
Ata shuím ar na comhchondmajl jn'admhajl an chreidimh no ann'a foírm na h'admhail ata aig na huile chriosduidhibh chomhchoitchiond etorra fén: gaoridhe daoine go coitchionna dhi Symbol no caismeart na n'Apstal, neoch aghabhadh o thosssach ⟨p. 4⟩na heaglajsi aghnáth measg na n'uile dhaoine diagha, & neoch aghabhadh o bhéul na n'Apstal no cojmhthionoladh go firrinneach as an scriobhadhson.
16. Aithris damh é?
Creidim an'Día Athair na nuile chumhachd, chruithaighthéoir nejmhe & talmhan. Agus a Níosa Criosd a éunmhacsan ar Dteghearnaine: noch do gabhadh ón Spiorad náomh, rugadh lé Mujre oigh, do fhulajng an fpháis fa Fpuinge Fphioláid, do crochadh, do céusadh, fúair bas & do hadhlaictheadh, do chuaídh sios go hifreand, do éirghidh ó bhás a gciond an treas lá, do chuaidh fúas ar neamh, & atá anòis na shuidhe ar deis Dé Athair na nuile chumhachd: As sin thiocfas do bhreith breith ar bhéoghaibh, agas ar mharbhaibh. Creidim and sa Spiorad náomh, a Neaglais nàomhtha chomhchoitchionn, cumand na náomh maitheamh na bpeacthadh, eiséirghe chodla na marbh, & an bheatha mharthanach, Amen.