N01899:213
India Christiana. A discourse, delivered unto the Commissioners, for the Propagation of the Gospel…
India Christiana. A discourse, delivered unto the Commissioners, for the Propagation of the Gospel among the American Indians : which is accompanied with several instruments relating to the glorious design of propagating our holy religion, in the Eastern as well as the Western, Indies. : An entertainment which they that are waiting for the kingdom of God will receive as good news from a far country. / By Cotton Mather, D.D. and F.R.S.
printed by B. Green, 1721
Title page typeset from the transcription.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Illam Methodum, quam nobis suppeditare voluisti, summa cum voluptate acceptavimus, ut Testimonio inde gaudentes, quod JESUS CHRISTUS in omni Sinceritate Vobiscum annuncietur, et quidem quod jucundissimum est, eadem prorsus methodo, qua nos hic utimur, cum hominibus de salute animarum agendi, rejectis plane, quae Opiniones tantum sapiunt, in id unice incumbentes ut CHRISTUS solus omni procul fuco sistatur arque exhibeatur. Methodus vero illa nostra doctrinam gentibus Evangelicam proponendi in hisce, ut breviter dicam, consistit.
(a) Annunciamus illis Ethnicis DEUM Unicum verum, qui semetipsum tribus in Hypostasibus manifestavit, usque rite annotando, quid quaelibet Hypostasis beneficiorum hominibus exhibuerit, collocaveritque.
(b) Agimus de Homine, eum considerantes juxta statum ejus quadruplicem: ubi (a) Ostendimus, in qua beatitate fuerit, cum adhuc imagine DEI corruscaret concreata. (b) Qua ratione et quonam modo illam imaginem DEI amiserit, et larvam Satanae in duerit, pronusque in peccatum sua sponte ruerit.
(c) Quomodo autem DEUS filium suum dilectissimum unicum in hunc mundum miserit ad nos ex statu Maledictionis, cui natura quilibet subest, in statum Gratiae per veram poenitentiam vindicandos, ut translocati in statu gratiae iterum imaginem DEI in pectoribus erigi patiamur, in CHRISTO solo nostram quaerentes justitiam, per fidem quae per amorem efficax est in vita vitiis pura exercitioquc Pietatis quotidiano cautius incedamus, et magis magisque ad similitudinem et instar nostri Sospitatoris propius accedamus.