AD SERENISSIMAM ELIZABETHAM ANGLIAE REGINAM THEODOR. BEZA.
2 passages
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
AD SERENISSIMAM ELIZABETHAM ANGLIAE REGINAM THEODOR. BEZA.
STRAVERAT innumeris Hispanus navibus aequor, Regnis juncturus, sceptra Britanna suis. Tanti huius rogitas, quae motus causa? superbos Impulit Ambitio, vexit Avaritia. Quàm been te, ambitio mersit vanissima, ventus: Et tumidos tumidae, vos superastis aquae! Quàm been totius raptores orbis avaros, Hausit inexhausti justa vorago maris! At tu, cui venti, cui totum militat aequor, Regina, ô mundi totius una, decus. Sic regnare Deo perge, ambitione remota, Prodiga sic opibus perge ivvare pios. Ut te Angli longùm, longùm Anglis ipsa fruaris, Quàm dilecta bonis, tam metuenda malis.
STRAVERAT innumeris Hispanus nauibus aequor, Regnis iuncturus, sceptra Britanna suis. Tanti huius rogitas, quae motus causa? superbos Impulit Ambitio, vexit Auaritia. Quàm bene te, ambitio mersit vanissima, ventus: Et tumidos tumidae, vos superastis aquae! Quàm bene totius raptores orbis auaros, Hausit inexhausti iusta vorago maris! At tu, cui venti, cui totum militat aequor, Regina, ô mundi totius vna, decus. Sic regnare Deo perge, ambitione remota, Prodiga sic opibus perge iuuare pios. Vt te Angli longùm, longùm Anglis ipsa fruaris, Quàm dilecta bonis, tam metuenda malis.