Papa confutatus Sanctæ & apostolicæ Ecclesiae in confutationem Papæ. Actio prima

Primùm post caedem illam quam dixi Hussij ¹& Hieronymi constantissimorum [Greek or Hebrew] meministi, quantas bellorum tempestates contra Boëmos excitasti duce & satellite furoris tui Sigismundo ²imperatore tum maximè Juliano Cardinale? In qua expeditione vestra tam acri & furiosa, cum triplici agmine fortissimorum Saxonum miseros Boëmos intra saltum obstrictos undique teneretis: tamen tam exiguam illorum manum, ne his quidem omnibus armis ³& copiis fundere potuistis, duce ipsorum Cilca, vel Christo potius. Quumque quinquies eosdem aggressi bellis truculentissimis, toties ab eisdem repulsi ac profligati, cum turpi fuga vestra maiorem illis gloriam cumulastis, an quisquam tam squammeis oculis caecus est, qui non perspiciat ipsorum causam non solùm Dei juditio clarissimo approbatam, sed nutuetiam ⟨p. 20⟩ac potentia fortissitnè contra te defensam fuisse & propugnatam? Ut ne interim ea hic commemorem quae Sigismundo Imperatore, post hanc navatam tibi opem acciderit. Qui inter laudatissimos alioqui principes meritò ponendus, quum antea opibus, honore, tranquillitate, summeque rerum bonarum ex animo succedentium affluentia effloruisset, subito post Hussii patratum Martyricidium, gentisque illius infestationem, mutata in diversum fortuna, quā ⁴ipse perturbationem caeteris Christi membris inuexerat, eandem in domesticis suis malis, propriaeque familiae calamitate experiri cogebatur. Tum verò multò etiam acerbiores è Juliano Cardinal divina expetebat vindicta, qui haud multò pòst bellicos hos tumultus in bello Turcico miserè trucidatus occubuit.

Primùm post caedem illam quam dixi Hussij ¹& Hieronymi constantissimorum 〈non-Latin alphabet〉 meministi, quantas bellorum tempestates contra Boëmos excitasti duce & satellite furoris tui Sigismundo ²