Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…

6 Veteres Monachi differunt ipso fundamento religionis, à Monachis Papistarum. Primò, solitarij vivebant ex¹ necessitate, ut tutiùs laterent in persecution. Secundò, ut² omnia darent pauperibus, non cogebantur. Tertiò, non erant³ adstricti certae regulae, nec vitae Monasticae, voto solenni & perpetuo, sed mutare genus vivendi potuerunt, si commodum videretur. Niceph. l. 9. c. 14. In eo scripto [quod Pachomio coelitus ab angelo datum fuit] leges praescribentis more expositum erat, permitti debere unicuique, ut quantum posset & vellet, ederet, biberet, operaretur: atque itidem ut pro arbitrio suo, jeiunaret, aut non jeiunaret. Et validiùs cibum capientibus, duriores labores; ijs verò qui parciùs alimentis uterentur, & ad pietatis exercitium incitatiores essent, leves atque faciles operae mandarentur. August. de Moribus Ecclesiae, cap. 33. Atque inter haec, nemo urgetur inter aspera, quae ferre non potest: nulli quod recusat imponitur. Nec ideo condemnatur à caeteris, quòd in eis see imitandis fatetur invalidum. Meminerunt enim quantopere commendata sit in scripturis charitas. Meminerunt, omnia munda mundis: &, non quod intrat in os coinquinat hominem, sed quod exit. Itaque non reijciendis generibus ciborum, quasi pollutis, sed concupiscentiae perdomandae, & dilectioni fratrum retinendae, invigilat omnis industria. Sozom. lib. 3. c. 15. Alij in turba civitatum, vitam degentes, see opinion hominum abiectos, & nihil à vulgo differ ostenderunt. Athanasius epist. ad Dracontium ait, see novisse & Monachos & Episcopos, coniuges & liberorum Patres. Quartò, Monachi primò fuerunt⁴ Laici, non Clorici, ne dum Diaconi vel Presbyteri. Hieronym. ad Heliodor. Monachos severioris vitae, Laicos facit: Alia, inquit, Monachorum est causa, alia Clericorum. Clerici pascunt oves, ego pascor. Concil. Chalced. c. 4. provisum, ne Monachi see Ecclesiasticis negotijs immisceant. Leo epist. 62. vetat Monachos & Laicos, etsi scientiae nomine glorientur, admitti ad officium docendi & concionandi. vide August. de morib. Eccl. c. 31. Greg. lib. 3. epist. 11. Quintò, ⁵meritum vitae monasticae non fuit, nisi posterioribus seculis.