A09447:900
Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci…Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci…
Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Jodoci Coccij. Et propaideiæ [sic] juventutis in lectione omnium patrum. Editum post mortem authoris operâ & studio Samuelis Wardi.Guilielmi Perkinsi Problema de Romanæ fidei ementito Catholicismo Estq́[ue] antidotum contra Thesaurum Catholicum Iodoci Coccij. Et propaideiæ [sic] iuventutis in lectione omnium patrum. Editum post mortem authoris operâ & studio Samuelis Wardi.
Cantabrigiæ : Ex officina Joannis Legat. Anno Dom. M.D.CIIII. Extant Londini apud Simonem Waterson in Cœmeterio D. Pauli ad insigne Coronæ, 1604Cantabrigiæ : Ex officina Ioannis Legat. Anno Dom. M.D.CIIII. Extant Londini apud Simonem Waterson in Cœmeterio D. Pauli ad insigne Coronæ, 1604
PROBLEMA. › Demonstratio Problematis. › Realis praesentia in signis, vel Transubstantiatio.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
1 Veteres quum loquuntur de caena, plures loquendi formulas habent, quae conuersionē indicent. Ambrosius utitur nomine conuersionis, lib. 4. de Sacram. cap. 4. Et l. de ijs qui mysteriis initiantur c. 9, utitur nomine mutationis. Cyprianus de coena, Non effigie, sed naturâ mutatus. Origencontra ⟨p. 154⟩Celsum lib. 8. dicit panem fieri corpus, per precationem. Gaudentius tractatu 2. de Exodo, de pane effici corpus, & de vino sanguinem. Eusebius Emiss. hom. 5. de Paschate, Sacerdotem, visibiles creaturas in substantiam corporis & sanguinis Christ, secretâ potestate converter. Rursus, panē transire in naturam Dominici corporis. Anselmus epist. de corpore & sanguine Domini, dicit migrare panem in corpus. Fulbertus, epistolâ ad Berengarium, transfundi. Algerus libro de Sacrament. traijci, & transferri. Verùm antiqui Doctores, ubi loquuntur de conuersione, & mutatione panis, intelligunt mutationem usus & conditionis, non substantiae. Et proinde in illorum lectione distinguenda est, mutatio sacramentalis in signification & obsignatione, à substantiali. Et tenendum eos [Greek or Hebrew] non novisse, per an. ad minimū 800: sed condemnâsse potiùs; Cyprian. sive quicunque author fuit Serm. de Caena. Corporalis substantiae speciem retinens. Ambros. de Sacr. l. 4. c. 4. sunt quae erant, & in aliud commutantur. Theodoret▪ dial. 2. Signa illa mystica post sanctificationem non recedunt à natura sua. Gelas. contra Eutych. [Signa] permanent in suae proprietate naturae. Walefridus c. 16. Corporis, & sanguinis sui sacramenta, in panis & vini substantiâ eisdē discipulis tradidit. Paschasius de corp. & sang. Dom. c. 10. aliâs 28. Panis con firmat cor hominis, & vinum laetificat—: propter quod in eadem substantiâ jure celebratur hoc mysterium salutis. Idem, Bertramus. Paschasius denuò c. 17. aliàs 46. Ideo fili, dum hoc mysterium communicas, dilata sinum mentis tuae, emunda conscientiam, & percipe non quantum exhibet MICA, sed quantum fides capit, quia in Christo plenitudo Divinitatis m•net. Hinc apparet Canonem Missae per ann. 900. non fuisse intellectum de Transubstantiatione; nec fuisse tum veri corporis Christi, manducationem oralem. Druthmarus circa an. 800, intellexit verba Canonis de spirituali translatione panis in corpus Christi, & vini in sanguinem. Sic enim ille in Matth. 26.