Prophetica, sive, De sacra et unica ratione concionandi tractatusProphetica, sive, De sacra et vnica ratione concionandi tractatus

Si quis existimet hoc modo barbariem in pulpita invehi; sciendum est, posse, imò debere ministrum privatim, artibus, philosophia, & varia lectione uti liberrimè, dum est in formanda concione: publicè verò haec omnia populum celare debet, & ne tantillum ostenta•e quidē. Artis etiam est celare artem.

Si quis existimet hoc modo barbariem in pulpita invehi; sciendum est, posse, imò debere ministrum privatim, artibus, philosophia, & varia lectione vti liberrimè, dum est in formanda concione: publicè verò haec omnia populum celare debet, & ne tantillum ostenta•e quidē. Artis etiam est celare artem.

Demonstratio spiritus est, quùm minister verbi inter concionandum ita se gerit, ut non tam eum, quàm spiritum dei in eo, & per eum loqui, omnes etiam idiotae & infideles judicent. 1. Cor. 2. 4. Neque oratio mea & praedicatio mea versata est in persuasorijs humanae sapientiae verbis, sed in demonstratione spiritus & potentiae. & 14. 24. Si omnes prophetent, ingrediatur autem infidelis quispiam, aut idi•ta, ⟨image 53⟩arguitur ab omnibus, dijudicatur ab omnibus. vers. 25. Et ita occulta cordis eius manifesta fiunt, atque ita procidens in faciem, adorab•t Deum, renuncians Deum verè in vobis esse. & cap. 4. vers. 19. Ueniam brevi ad vos &c. & cognoscam non verba illorum qui inflati sunt, sed virtutem. vers. 20. Non enim in verbis est regnum Dei, sed in virtute. Mich. cap. 3. vers. 8. Ego repletus sum virtute à spiritu Jehovae, judicioque & potentia, ad indicandum Jacobo defectionem ipsius, & Israeli peccatum ipsius. Haec vivum & actuosum ministerium facit. Luc. cap. 11. vers. 27