A26815:10
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Dedication: Illustri Nobilissimoque D. Domino Gulielmo Russel, Bedfordiae Comitis filio natu maximo.
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Non est mihi animus in amplissimum simul & nobilissimum virtutum tuarum campum excurrere, quae nullis egent verborum ornamentis quibus illustrentur, sed verbis ipsis poterunt splendorem suum faenerari. Neque tamen de eis interim omnino certè conticescam. Illud equidem verissimè potero, & absque omni adulation affirmare, animi tui generositatem nobilitatem generis adaequare. Virtus quidem non semper unà cum haereditate ad posteros transmittitur; verum quemadmodum Jordanus fluvius (uti testantur Geographi) è monte Libano inter cedros originem ducens, postquam deinde longo itinere terras limpidissimis suis & foecundis aquis irrigaverit, tandem in marry mortuo sepelitur; ità saepius usu venire compertum est, ut majoribus orti nobilissimis generis sui splendorem moribus pravis obscuraverint: Tu autem, Domine, majorum tuorum virtutes habes unà cum sanguine in te transfusas ac derivatas.
Non est mihi animus in amplissimum simul & nobilissimum virtutum tuarum campum excurrere, quae nullis egent verborum ornamentis quibus illustrentur, sed verbis ipsis poterunt splendorem suum faenerari. Neque tamen de eis interim omnino certè conticescam. Illud equidem verissimè potero, & absque omni adulatione affirmare, animi tui generositatem nobilitatem generis adaequare. Virtus quidem non semper unà cum haereditate ad posteros transmittitur; verum quemadmodum Jordanus fluvius (uti testantur Geographi) è monte Libano inter cedros originem ducens, postquam deinde longo itinere terras limpidissimis suis & foecundis aquis irrigaverit, tandem in mari mortuo sepelitur; ità saepius usu venire compertum est, ut majoribus orti nobilissimis generis sui splendorem moribus pravis obscuraverint: Tu autem, Domine, majorum tuorum virtutes habes unà cum sanguine in te transfusas ac derivatas.
Si privatam tuam vitam inspiciamus, temperantia tua, justitia, bonitas, & erga Dei oracula reverentia exemplum exhibent rarum quidem & spectabile, idque etiam in hoc saeculo tam corrupto & atheismi pleno, cum multi qui gloriosissima pars hominum haberi volunt, solis tamen titulis suis & comitatu, audaciore impietate, & major suo luxu à vili plebecula sacernuntur.
Si privatam tuam vitam inspiciamus, temperantia tua, justitia, bonitas, & erga Dei oracula reverentia exemplum exhibent rarum quidem & spectabile, idque etiam in hoc saeculo tam corrupto & atheismi pleno, cum multi qui gloriosissima pars hominum haberi volunt, solis tamen titulis suis & comitatu, audaciore impietate, & majore suo luxu à vili plebecula sacernuntur.