A26815:131
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
His ità expositis Regem continuò totius negotii certiorem legati faciunt, qui ubi praeter aequum & bonum nihil postulari audiverat, Somersetensem captivum esse jubet, mox Eboracensem dedititium clementer accepit: qui non ita multo post, apud Regem in Aede Paulina, una cum nobilissimis consiliariis, adstante Wintoniensi (utpote totius negotii been conscio) jurisjurandi religione 1devinctus, professus est clientuli in fide & obsequio, se deinceps permansurum. Atque ita sopita est civilis discordia quae longiùs procul dubio processisset, nisi fide & consilio Wintoriensis nostri commodè fuisset interrupta. Per istas ab intestinis conjurationibus inducias, nascitur Edovardus Walliae princeps, quem peperit Henrico Margareta Andium Ducis filia; eum sacris lotionibus 2intinxit Wintoniensis noster, interque ipsas confirmationis ceremonias (quod munus obibat Archipraesul Cantuariensis) infantuli nomine fidejussorem sese exhibuit 3iterum Wintoniensis. Sed ille de improviso quasi terris subductus, tristissimum sui desiderium Angliae reliquit, de quo Maronianum illud affirmari verè potest. Ostendent terris hunc tantum fata, nec ultrà Esse sinent.—
His ità expositis Regem continuò totius negotii certiorem legati faciunt, qui ubi praeter aequum & bonum nihil postulari audiverat, Somersetensem captivum esse jubet, mox Eboracensem dedititium clementer accepit: qui non ita multo post, apud Regem in Aede Paulina, una cum nobilissimis consiliariis, adstante Wintoniensi (utpote totius negotii bene conscio) jurisjurandi religione 1devinctus, professus est clientuli in fide & obsequio, se deinceps permansurum. Atque ita sopita est civilis discordia quae longiùs procul dubio processisset, nisi fide & consilio Wintoriensis nostri commodè fuisset interrupta. Per istas ab intestinis conjurationibus inducias, nascitur Edovardus Walliae princeps, quem peperit Henrico Margareta Andium Ducis filia; eum sacris lotionibus 2intinxit Wintoniensis noster, interque ipsas confirmationis ceremonias (quod munus obibat Archipraesul Cantuariensis) infantuli nomine fidejussorem sese exhibuit