Vitæ selectorum aliquot virorum qui doctrinâ, dignitate, aut pietate inclaruere

Octennis puer legendi scribendique mediocriter peritus, linguam Latinam addiscendo•fidei concreditur Titi ab Edingen, Verbi Divini Ministri ad Fanum Sancti Nicolai in Wasia, viri Nobilis, eruditi, & qui Johannam Margaretae sororem duxerat in uxorem. Puer forma elegans & roseus, suavis moribus sanguine nexus, prae reliquis condiscipulis suis ibi gratus fuit, plura illi adhibita blandimenta, praebitae deliciae. Cumque aliquando Matertera placentulam illi praebuisset, supervenientibus fortuito aliis pueris, voluit eam cito ab illo d•vorari, & quo id perficeretur citius, manu intrusionem placentulae in os promovit; quam cum totam subito deglutire non posset, coepit see male habere, angi, deficere, & paene suffocatus est: ita amore Simiae periisset in herba, qui in arborem destinabatur, umbram aliis facturam.

Octennis puer legendi scribendique mediocriter peritus, linguam Latinam addiscendo•fidei concreditur Titi ab Edingen, Verbi Divini Ministri ad Fanum Sancti Nicolai in Wasia, viri Nobilis, eruditi, & qui Johannam Margaretae sororem duxerat in uxorem. Puer forma elegans & roseus, suavis moribus sanguine nexus, prae reliquis condiscipulis suis ibi gratus fuit, plura illi adhibita blandimenta, praebitae deliciae. Cumque aliquando Matertera placentulam illi praebuisset, supervenientibus fortuito aliis pueris, voluit eam cito ab illo d•vorari, & quo id perficeretur citius, manu intrusionem placentulae in os promovit; quam cum totam subito deglutire non posset, coepit se male habere, angi, deficere, & paene suffocatus est: ita amore Simiae periisset in herba, qui in arborem destinabatur, umbram aliis facturam.

Non ita, multo post Edingius ad Verbi Divini ministerium evocatus est in Hollandiam, ad Fanum Sanctae Hildegondis, prope Harlemum: quare Gandavum redire Antonius Walaeus coactus est, quem maluisset Pater procul •emotum à turbis & dissidiis, placid & pie institui & educari. Itaque quod unicum reliquum erat, traditus est in disciplinam domesticam Samuelis Lansbergii Pastoris Gandavensis, ut jacta antea linguae Latinae fundamenta retineret & excoleret.