A26815:1492
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Heidelbergae dubitavit aliquamdiu, ibine aestivos transigere menses deberet, an potius perlustrare Germaniam; & circa hyemem Lugdunum Batavorum accedere. Movebatur celebritate Academiae, quae inter Reformatas sola cum Leydensi posset contendere: sed parum in animo illius speciosa poterant, qui sibi proposuerat tantum solida sectary. Maximi aestimabat Bibliothecam Manuscriptorum authorum, ad quam illi liber aditus per virum Clarissimum Janum Gruterum, Conterraneum suum, patuit: verum ad collationem Manuscriptorum cum impressis, plane animus non inclinavit. Nimia varietate lectionum, alienus saepe sensus authoribus affingitur: & nisi in locis tantum sit maximi momenti, inglorius prorsus est labor, nec pluris aestimandus quam corum qui indices conficiunt.
Heidelbergae dubitavit aliquamdiu, ibine aestivos transigere menses deberet, an potius perlustrare Germaniam; & circa hyemem Lugdunum Batavorum accedere. Movebatur celebritate Academiae, quae inter Reformatas sola cum Leydensi posset contendere: sed parum in animo illius speciosa poterant, qui sibi proposuerat tantum solida sectari. Maximi aestimabat Bibliothecam Manuscriptorum authorum, ad quam illi liber aditus per virum Clarissimum Janum Gruterum, Conterraneum suum, patuit: verum ad collationem Manuscriptorum cum impressis, plane animus non inclinavit. Nimia varietate lectionum, alienus saepe sensus authoribus affingitur: & nisi in locis tantum sit maximi momenti, inglorius prorsus est labor, nec pluris aestimandus quam corum qui indices conficiunt.
Theologiae Professores erant, merito suo celeberrimi, Daniel Tossanus & David Pareus. Tossanus Novum Testamentum interpretabatur; sed senio confectus, paucos tantum menses supervixit. Pareus explicabat Prophetam Hoseam, quem recenter admodum cum Rabbinorum commentariis Buxtorsium audierat explicantem. Et nescio quomodo varietate animus allici debeat; etiam ut iis immoretur, quae alias magni solet aestimare.