A26815:1546
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Verum id initio nonnisi clanculum fecit, dumb factio tenella esset, & in herba posset conculcari. Unde & Arminius novitatem dogmatum suorum diutius obtexit, usque dumb Anno M DC VIII. à Francisco Gomaro apud Hollandiae Ordines accusatus & detectus est: eum de Justificatione, Praedestinatione, Gratia, Libero Arbitrio, Perseverantia Sanctorum ab Ecclesia dissentire.
Verum id initio nonnisi clanculum fecit, dum factio tenella esset, & in herba posset conculcari. Unde & Arminius novitatem dogmatum suorum diutius obtexit, usque dum Anno M DC VIII. à Francisco Gomaro apud Hollandiae Ordines accusatus & detectus est: eum de Justificatione, Praedestinatione, Gratia, Libero Arbitrio, Perseverantia Sanctorum ab Ecclesia dissentire.
Non latuit tamen tamdiu Arminius Walaeum: qui cognitis omnibus sectariorum latibulis, ex semita quam inibat facile potuit quo tenderet perspicere: quare jam à nono Kalendarum Junii Anno M DC VI. conatus est Arminium in viam consuetam & regiam reducere, idque insequenti toto Anno continuis literis egit, ad quae Arminius aliquoties, tandem tamen non amplius respondit; eademque Arminio tum proposuit, ad quae viginti Annis postea Johannes Arnoldi Corvinus quoque conticuit. Etenim Walaeus in Sacra Scriptura versatissimus, edocere quemvis poterat, quisnam in iis controversiis Scripturae esset sensus. Sed hoc agebat Arminius, ut ratiocinationem non S. Scripturam ducem sequeretur, quod nolebat profiteri.
Detectus Arminius incepit vereri ne ab Ecclesiasticis perderetur, nondum enim audebat Barneveldus ejus causam aperte suscipere. Nec Arminius mutationem religionis animo Heroico erat aggressus, qui in primis Reformatoribus excelluit: ut gloriae Divinae tantum intenti, securi essent quidquid illis posset humanitus obvenire. Unde evidenter metu, m•estitia morbum contraxit, qui illum xix Octobris Anni M D cix. vita exemit.