A26815:1550
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Inter haec Ecclesiastici harum turbarum remedium quaerere, nee melius quam in Synodo Nationali omnium Ecclesiarum Reformatarum invenire, cam continuo magno studio à Foederati Belgii Ordinibus petere. In hanc propendebant Ordines Geldriae, Zelandiae, Frisiae, Groningae, sex civitates Hollandiae: qui consueta potius, quam nova etiamsi speciosa mallebant, nec cum Lutheranis concordiae ullam spem arbitrabantur, Antistitum quam ambitio, & singulorum praeconcepta opinio perpetuo impedirent: Ecclesiasticorum authoritatem gravem non esse & aliquod Oligarchiae remedium. Providis potentiam Principis Auriaci nequaquam metuendam; sed potius foederis & unionis vinculum esse. Contra Nobiles Hollandiae & reliquae duodecim Civitates, Ordines Ultrajectini, Transisalani non negare quidem Synodum aperte, sed variis tergiversationibus, iteratis procrastinationibus eludere, nec ea consueta confirmarentur.
Non negligere tamen Ecclesiastici eam medelam, quae in illorum potestate sita videbatur, detegere nimirum errors populo, & contra eas concionibus scriptis munire. Eos qui ad Ministerium admittendi essent, severius examinare, ne plures furtim in Ecclesiam irreperent: quos irrepsisse deprehendebant, censuris notare, Ministerio interdicere.
Non negligere tamen Ecclesiastici eam medelam, quae in illorum potestate sita videbatur, detegere nimirum errores populo, & contra eas concionibus scriptis munire. Eos qui ad Ministerium admittendi essent, severius examinare, ne plures furtim in Ecclesiam irreperent: quos irrepsisse deprehendebant, censuris notare, Ministerio interdicere.
His sese strenue opponere Uytenbogardus ejusque socii, & voce, scriptis, molimine cum adversariis contendere, & ad Ministerium suae opinionis candidatos promovere. Impar tamen congressus apparebat, quod illi numero plures, populum sibi magis addictum haberent. Hi itaque verity ne superarentur, remonstrantiam ut vocant, unde deinde Remonstrantium illis nomen adhaesit, Hollandiae Ordinibus obtulere, petiveruntque in illorum tutelam suscipi: ad quam non tantum admissi sunt, sed prohibitum insuper omnibus, ne voce, ne scriptis de controversiis ad populum referrent: neve in Candidatorum examine controversis insisterent, aut illum dissentientem notarent censura. Quod vere erat partes statuere, cum Pastores Remonstrantes vix quadraginta essent, Contra-Remonstratium quingenti.