A26815:1553
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Nondum tamen duraturi Remonstrantes videbantur, nisi in locum defunctorum novi continuo possent substitui, qui in Academia erant formandi: quare ad Professionem Theologicam in locum Arminii non Walaeus aliique, qui à viris doctis bonisque commendabantur, sed Uytenbogardus petebatur: qui cum Academiae se non parasset, id oneris admittere non ausus, per Curatores illarum tum partium, & Barneveldo sanguine nexi, id egit, ut Steinfurto Conradus Vorstius Leydam vocaretur. Qui Theologiae Professor Anno M D C. ab Academia Heydelbergensi convictus erat, Socino ejusque dogmatibus nimium favour, cujus & publica extabant monumenta.
Nondum tamen duraturi Remonstrantes videbantur, nisi in locum defunctorum novi continuo possent substitui, qui in Academia erant formandi: quare ad Professionem Theologicam in locum Arminii non Walaeus aliique, qui à viris doctis bonisque commendabantur, sed Vytenbogardus petebatur: qui cum Academiae se non parasset, id oneris admittere non ausus, per Curatores illarum tum partium, & Barneveldo sanguine nexi, id egit, ut Steinfurto Conradus Vorstius Leydam vocaretur. Qui Theologiae Professor Anno M D C. ab Academia Heydelbergensi convictus erat, Socino ejusque dogmatibus nimium favere, cujus & publica extabant monumenta.
Hujus vocationi opposuerunt sese statim Ecclesiastici, quique iis favebant Magistratus: & eam non aut difficillime potuissent impedire, ita constitutum erat Remonstrantium fovere partes, nisi Jacobus Magnae Britanniae Rex continuo monuisset, ursisset Ordines; imo eum condemnasset haereseos, & libros ejus publice Juffisset comburi.
Tandem Ecclesiis leges quaedam obtrudebantur, quas viginti annis antea accurante Barneveldo conscriptas, nunquam voluerant ferry Ordines, multo minus in usum duci: quibus vocatio Diaconorum, Seniorum, Pastorum fere tota Magistratui tribuebatur. Eripiebatur Pastoribus censura membrorum Ecclesiae aut Pastorum, qui peccavisse in Ecclesiam convincerentur.