A26815:1577
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Interea foederatarum Belgii Provinciarum Ordines, cum animadverterent Hollandiae factions in foederis dissolutionem & omnium Provinciarum perniciem redundaturas, coeperunt componendis Religionis controversiis manus admovere, consilio Reineri Pavii Consulis apud Amstelodamenses magnae authoritatis, instigation Mauritii Celsissimi Principis Auriaci, & Nationalem synodum decreverunt, convocarunt. Dederuntque in mandatis Auriaco Principi, exauctorare sublectum ab Ultrajectino Magistratu militem: Magistratum nimis contrarium submovere loco, novum restituere.
Interea foederatarum Belgii Provinciarum Ordines, cum animadverterent Hollandiae factiones in foederis dissolutionem & omnium Provinciarum perniciem redundaturas, coeperunt componendis Religionis controversiis manus admovere, consilio Reineri Pavii Consulis apud Amstelodamenses magnae authoritatis, instigatione Mauritii Celsissimi Principis Auriaci, & Nationalem synodum decreverunt, convocarunt. Dederuntque in mandatis Auriaco Principi, exauctorare sublectum ab Ultrajectino Magistratu militem: Magistratum nimis contrarium submovere loco, novum restituere.
His sese aperte opposuit Barneveldus, per Nobiles & duodecim Civitates Hollandiae. Et omni molimine, etiam mittendo ad exteros Reges, Principes, synodi conventum conatus est impedire. Nutantes Ultrajectinos instigando, auxilium illis offerendo, Emendationem Magistratus, dimissionem militis prohibere. Unde à Foederatis Principi Auriaco injunctum adversantis partis capita in carcerem detrudere, Johannem ab Olden-Barnevelt, Rombertum Hogerbetium, Hugonem Grotium, Aegidium Ledenbergium. Dimittere reliquum ita in Hollandia collectum militem. Cribrare in illis Civitatibus Magistratum, & contumacibus meliores surrogare. Quae omnia sine ulla sanguinis effusion, sine ullo tumultu peracta sunt: ita eo Magistratui cives infensi inveniebantur. Ubi de omnium salute agitur, non raro adhibetur remedium, quod non ita ex ordine singulorum usurpari consuevit: quamvis & huic facto obtendebatur, quod & ipsi Hollandiae Ordines publico decreto autoritatem Principi Auriaco dedissent, dissidia ea quocumque posset modo componendi. Remotis contumacioribus reliquus Magistratus approbare ea quae acta erant, & in Synodum Nationalem Dordraci convocatam consentire.