A26815:1798
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Idem etiam in sellulariis artibus usu venire videmus, ut si quis multas simul arts exercere voluerit, in nulla unquam summus artifex evadat. Adeo in multis excellere natura nobis negavit: sed suam cuique nascenti veluti sortem ac provinciam attribuit, quam excolere deinceps opera nostra atque ornare possemus. Hic inter Grammaticos palmam tulit: sed in eloquentia haudquaquam parem gloriam est consecutus. Illum facundia Latini sermonis ornavit; sed Graecae linguae peritia destituit. Quotusquisque ab omni hominum memoria, idem summus orator ac poeta unquam extitit? Itaque Marci Tullii versus multorum judicio exploduntur. Quinetiam in una eademque disciplina alius hanc, alius illam partem sibi vendicat. Alius in Geometricis eminet: alium Astronomiae notitia commendat. Multiplici doctrina olim praeditus fuisse dicitur Eratosthenes, quem in temporum ratione secutum se esse testatur Diodorus, & quem Strabo in Geographicis auctorem saepius laudat, & virum haudquaquam spernendum appellat. Idem tamen cum in omni genere literarum infra primos semper substitisset, [Greek or Hebrew] cognominatus est. Democritum Abderitem illum philosophum quinquertionem dictum esse perhibent, quod quinque partes Philosophiae, naturalium scilicet rerum, & morum scientiam, & Mathematicas ac liberals disciplinas, omnium denique artium rations apprime calleret. Verum Petavius & hunc, & si qui alii promiscuae eruditionis causa celebres extiterunt, non aequavit modo, verumetiam longissimo intervallo superavit. Quod quidem ex iis, quae proxime dicturus sum, manifestissimum fiet.
Idem etiam in sellulariis artibus usu venire videmus, ut si quis multas simul artes exercere voluerit, in nulla unquam summus artifex evadat. Adeo in multis excellere natura nobis negavit: sed suam cuique nascenti veluti sortem ac provinciam attribuit, quam excolere deinceps opera nostra atque ornare possemus. Hic inter Grammaticos palmam tulit: sed in eloquentia haudquaquam parem gloriam est consecutus. Illum facundia Latini sermonis ornavit; sed Graecae linguae peritia destituit. Quotusquisque ab omni hominum memoria, idem summus orator ac poeta unquam extitit? Itaque Marci Tullii versus multorum judicio exploduntur. Quinetiam in una eademque disciplina alius hanc, alius illam partem sibi vendicat. Alius in Geometricis eminet: alium Astronomiae notitia commendat. Multiplici doctrina olim praeditus fuisse dicitur Eratosthenes, quem in temporum ratione secutum se esse testatur Diodorus, & quem Strabo in Geographicis auctorem saepius laudat, & virum haudquaquam spernendum appellat. Idem tamen cum in omni genere literarum infra primos semper substitisset, 〈non-Latin alphabet〉 cognominatus est. Democritum Abderitem illum philosophum quinquertionem dictum esse perhibent, quod quinque partes Philosophiae, naturalium scilicet rerum, & morum scientiam, & Mathematicas ac liberales disciplinas, omnium denique artium rationes apprime calleret. Verum Petavius & hunc, & si qui alii promiscuae eruditionis causa celebres extiterunt, non aequavit modo, verumetiam longissimo intervallo superavit. Quod quidem ex iis, quae proxime dicturus sum, manifestissimum fiet.