Vitæ selectorum aliquot virorum qui doctrinâ, dignitate, aut pietate inclaruere

Veteris testamenti sententiis, propriisque Judaicae ⟨p. 96⟩scholae auctoramentis, validissimè contra Hebraeos praeliabatur, cum Mahumetanis Alcorano nixus pedem contulerat, Idolorum cultores, & multis vulneribus, & vi non multa prostraverat, superstitionibus vanis irretitos, eos praesertim qui divinatricem colunt Astrologiam, & verae Philosophiae, & peculiaribus rationibus Astrologorum acriter taxaverat: duodecimque jam libris, & quidem absolutissimis, ex tredecim ad hoc destinatis, eorum deliria insectatus fuerat. Demùm Hydromantiam, Geomantiam, Pyromantiam, Haruspicinam, & caetera id genus inania, sigillatim exploserat. Sed in Prophetantes Astrologos, cuneum ex professo direxerat, totisque viribus Arietem temperaverat, quando eorum dogmatis, futilibus quidem & nullius momenti, superstitions caeterae suis erroribus fulcimenta aucupentur, vel inspectae Geneseos momenta trutinantes, vel in elegendis horis, aut Hexagonos aut Trigonos aspectus (quos benignos vocant) conciliantes, & ejusmodi reliqua quibus nec insanus Orestes accederet. Nec contentus Astrologiam omnem funditùs evertisse, ut ostenderet nostri temporis Astrologis Graecae potissimum linguae ignaris, Vanissimam omnium professionum Astrologiam, perversis translationibus vaniorem, (si dici potest) effectam. Ptolomaei fructus, quos centiloquium vulgò nuncupant, inter scribendum adversus eosdem quasi aliud agens è Graeco in Latinum sermonem vertit, & elegantissima expositione honestavit, quo in libro plura, ut ita dixerim, errata, quàm verba vulgata, illa translatione contineri demonstrat, quam tamen semper in arcanis veluti preciosum thesaurum custodierunt, ejusdem cultores ignavi. De Christi fide perperam sentientes, nec matris Ecclesiae parents imperio, quos usitatiori vocabulo nominamus Haereticos, & Novo instrumento, & rationibus egregia objurgation incessiverat, nonaginta ferè haereses in propatulo habentur. Verùm ille cuncta rimatus, ducentas invenit, quas sigillatim non modò eliminare, & profligare proposuerat, sed & pariter docere, qua ex parte Philosophiae non ritè percepta, suos errors traxissent, aut furcilassent.

Veteris testamenti sententiis, propriisque Judaicae ⟨p. 96⟩scholae auctoramentis, validissimè contra Hebraeos praeliabatur, cum Mahumetanis Alcorano nixus pedem contulerat, Idolorum cultores, & multis vulneribus, & vi non multa prostraverat, superstitionibus vanis irretitos, eos praesertim qui divinatricem colunt Astrologiam, & verae Philosophiae, & peculiaribus rationibus Astrologorum acriter taxaverat: duodecimque jam libris, & quidem absolutissimis, ex tredecim ad hoc destinatis, eorum deliria insectatus fuerat. Demùm Hydromantiam, Geomantiam, Pyromantiam, Haruspicinam, & caetera id genus inania, sigillatim exploserat. Sed in Prophetantes Astrologos, cuneum ex professo direxerat, totisque viribus Arietem temperaverat, quando eorum dogmatis, futilibus quidem & nullius momenti, superstitiones caeterae suis erroribus fulcimenta aucupentur, vel inspectae Geneseos momenta trutinantes, vel in elegendis horis, aut Hexagonos aut Trigonos aspectus (quos benignos vocant) conciliantes, & ejusmodi reliqua quibus nec insanus Orestes accederet. Nec contentus Astrologiam omnem funditùs evertisse, ut ostenderet nostri temporis Astrologis Graecae potissimum linguae ignaris, Vanissimam omnium professionum Astrologiam, perversis translationibus vaniorem, (si dici potest) effectam. Ptolomaei fructus, quos centiloquium vulgò nuncupant, inter scribendum adversus eosdem quasi aliud agens è Graeco in Latinum sermonem vertit, & elegantissima expositione honestavit, quo in libro plura, ut ita dixerim, errata, quàm verba vulgata, illa translatione contineri demonstrat, quam tamen semper in arcanis veluti preciosum thesaurum custodierunt, ejusdem cultores ignavi. De Christi fide perperam sentientes, nec matris Ecclesiae parentes imperio, quos usitatiori vocabulo nominamus Haereticos, & Novo instrumento, & rationibus egregia objurgatione incessiverat, nonaginta ferè haereses in propatulo habentur. Verùm ille cuncta rimatus, ducentas invenit, quas sigillatim non modò eliminare, & profligare proposuerat, sed & pariter docere, qua ex parte Philosophiae non ritè percepta, suos errores traxissent, aut furcilassent.