A26815:1879
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Cum Serenissimi Jacobi Regis amor erga Molinaeum indies augeretur, eum videre bonus Rex voluit; & anno 1615. ut ad se veniret serio invitavit. Intercessit Parisiensis Ecclesia, nec ante permisit Pastorem suum in Angliam proficisci, quam coram universo Ecclesiae conventu sancte promisisset see post tres menses rediturum. Transfretavit igitur cum inclyto Theodoro Mayernio Regis Jacobi Medico, & fratrem suum Johannem Molivaeum comitem assumpsit.
Cum Serenissimi Jacobi Regis amor erga Molinaeum indies augeretur, eum videre bonus Rex voluit; & anno 1615. ut ad se veniret serio invitavit. Intercessit Parisiensis Ecclesia, nec ante permisit Pastorem suum in Angliam proficisci, quam coram universo Ecclesiae conventu sancte promisisset se post tres menses rediturum. Transfretavit igitur cum inclyto Theodoro Mayernio Regis Jacobi Medico, & fratrem suum Johannem Moliuaeum comitem assumpsit.
Duobus mensibus ante Molinaei profectionem acta fuerant Blaesis totius Franciae Comitia. In quibus Perronius Cardinalis orationem habuerat qua Papae potestatem attribuerat Reges regnis suis exuendi. Eamque orationem ad Regem Jacobum miserat. Commodum advenerat ad Regem Molinaeus qui Regis ad illam Orationem animadversione; Gallice verteret. Titulus Regii libri fuit Vindiciae Juris Regum; fuitque Gallice primum editus Londini, an. 1615. mox Anglice.
Accersitum ergo Molinaeum, & opportune advenientem, Rex summa cum benevolentia excepit: Prandens solebat cum Molinaeo sermones habere; Pransus eum adstantium Magnatum alicui commendare, quicum pranderet. Quandoque etiam cum Molinaeo & Mayernio remotis arbitris animum curis gravem colloquio suavi relaxabat: Nec sane potuisset in orb terrarum duos amoenioris ingenii viros quibuscum familiarius versaretur sibi deligere.
Accersitum ergo Molinaeum, & opportune advenientem, Rex summa cum benevolentia excepit: Prandens solebat cum Molinaeo sermones habere; Pransus eum adstantium Magnatum alicui commendare, quicum pranderet. Quandoque etiam cum Molinaeo & Mayernio remotis arbitris animum curis gravem colloquio suavi relaxabat: Nec sane potuisset in orbe terrarum duos amoenioris ingenii viros quibuscum familiarius versaretur sibi deligere.