A26815:2033
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
Et quidem, si vellem [Greek or Hebrew], erat ei corporis forma justa & recta, statura modice procera, vultus serenus & amabilis, gestus qualis omnium reverentiam invitaret, habitudo corporis firma satis & fida fuit, morborum insultibus rarissime obnoxia. Cibo neque multo neque lauto alebatur; unde nec stomachus ei nec cerebrum crapulae unquam aut temulentiae incommodis affligebatur. Exercitationibus gaudebat modicis ac innocuis, quaeque corpus simul & animum reficerent.
Et quidem, si vellem 〈non-Latin alphabet〉, erat ei corporis forma justa & recta, statura modice procera, vultus serenus & amabilis, gestus qualis omnium reverentiam invitaret, habitudo corporis firma satis & fida fuit, morborum insultibus rarissime obnoxia. Cibo neque multo neque lauto alebatur; unde nec stomachus ei nec cerebrum crapulae unquam aut temulentiae incommodis affligebatur. Exercitationibus gaudebat modicis ac innocuis, quaeque corpus simul & animum reficerent.
Indolem habebat optimam à natura inditam, nihil in eo tetricum aut morosum (etiam sene) fuit, nil imperiosum aut fastidium spirans, faciles semper motus atque lenes habuit, irasci novit; at, praeter peccatum, res sane paucissimos ira sua dignas judicavit.
Ingenium habuit ad omnia studia idoneum, sed non desultorium, judicium serenum ac stabile; memoriam usque adeo fidam promtamque ut omnia fere quae legerat retineret, & saepe quae Anglice vel Latine publice dicenda habuit, tantum aberat ut è scriptis recitaret, ut ne in scripta quidem conjiceret, contentus rerum tantum capita leviter calamo perstrinxisse.