A26815:599
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
VITA JOANNIS VINCENTII PINELLI, PATRITII GENUENSIS. In qua studiosis bonarum artium, praeponitur typus viri probi & eruditi. AUTHOR PAULO GUALDO, PATRICIO VICETINO.
VITA JOANNIS VINCENTII PINELLI, PATRITII GENUENSIS. In qua studiosis bonarum artium, praeponitur typus viri probi & eruditi. AUCTORE PAULO GUALDO, PATRICIO VICETINO.
ILLUSTRISSIMO ET REVERENDISS. D. DOMINICO PINELLO, S. R. E. CARD. EPISC. OSTIENSI, Sacri Collegii Decano. PAULUS GUALDUS VICETINUS SALUTEM.
EXIMIUM illum Philosophum, Magistrum, ut Cicero ait, intelligendi & dicendi, cujus nomen aeternis praeclarum monumentis, nemo non admiratur, gloriatum ferunt aliquando, quod Socrate vivente vixisset. Ast ego non praeclarè minus mecum censeo actum, cui contigerit primum eo saeculo nasci, quo non tantum de facie noscere, sed & colere observareque licuerit per annos non paucos JOHANNEM ⟨p. 315⟩VINCENTIUM PINELLUM, doctum & probum supra omnia paene nostrorum temporum exempla; tum vero deinceps vitam ejusdem moresque elegantissimos commendare posteritati, in quo quidem munere, ut rei magnitudini mihique adeo ipsi non fecerim satis, (quis enim ejus viri merita explicet pro dignitate?) confidam tamen obventurum inde mihi laudis & existimationis non parum, quod lubens contulerim vires omnes meas in Viri CL. res, si non universas, at quas licuit mihi, sermone celebrandas. Illud vero quam eximium? extare te nunc ex eadem gente DOMINICE CARD. Illustrissime qui ut JOH. VINCENTIUM, non vi magis affinitatis quam charitatis, perpetuo amaveris, ita videaris hilaris excepturus scriptionem hanc meam, quae gentilis tui lauds praedicare sit aggressa.
EXIMIUM illum Philosophum, Magistrum, ut Cicero ait, intelligendi & dicendi, cujus nomen aeternis praeclarum monumentis, nemo non admiratur, gloriatum ferunt aliquando, quod Socrate vivente vixisset. Ast ego non praeclarè minus mecum censeo actum, cui contigerit primum eo saeculo nasci, quo non tantum de facie noscere, sed & colere observareque licuerit per annos non paucos JOHANNEM