Vitæ selectorum aliquot virorum qui doctrinâ, dignitate, aut pietate inclaruere

Placebat patri, ut in Gymnasio Patavino Juris prudentiae operam daret, spectanti nimirum opes & existimationem, quas I. C. nostro & patrum aevo long maximas habuere. Aulae Romanae amplissima munera animo revolvobat COSMUS quibus filii studia pridem destinarat, ideoque cogitabat (ut ALPHONSUM SOTUM Dominicani instituti Sacrae Theologiae ¹in Gymnasio Patavino Professorem narrantem memini) Apostolicae Camerae, ut vocant, Clericatum ipsi comparare, quae sententia jamdiu sederat & GALEATIO fratri, Duci Acheruntino. Neque patri aliquandiu non obtemperavit JOH. VINCENTIUS, ut ex Paulo Manutio discimus, cujus haec verba; Magna fuit, atque etiam nunc inter homines est de genere vitae controversia, cùm alios ita doctrinarum cognitio delectet, ut ab agendis ⟨p. 330⟩rebus abhorreant: alii non sibi tantùm, verum etiam amicis, & patriae, planeque omnibus hominibus homines esse natos existiment, ex quo sequitur, ut scientiarum studiis usum rerum anteponant; hoc discrimen, in quo valde pro semuu partium dubia veritas fluctuat, tu quidem, quod ad te attinet, optime PINELLE, optimisque & eruditis viris merito charissime, egregia quadam, vulgo non satis cognita, ratione sustulisti; simul enim utrumque studium complexus es, tum earum disciplinarum, q•ibus exculta mens uberrimos in omni fortuna far fructus solet, tum Juris civilis, quod alienos ad usus maximè porrigitur: arduares & operosa, quod exemplorum declarat inopia; sed ingenio tuo nihil difficile. Haec ille ad PINELLUM, uti paret, adolescentem; cum pergat scribere: in Philosophia quidem, cùm operam studiose des M. Antonio Genus, cui veterum doctrinarum arcana patent, quo nemo peritior Aristotelis interpres, nemo vir melior usquam vivit. Et inferius: Hauries enim ex eodem fonte, non ea solum quae vel olim in Lycaeo, vel etiam in Academia disputabantur; sed id quod longe praestantius est, Christianam pietatem, à qua manat una, & in qua item una Philosophia perficitur. Obiit autem Genua Anno. MDLXIV.

Placebat patri, ut in Gymnasio Patavino Juris prudentiae operam daret, spectanti nimirum opes & existimationem, quas I. C. nostro & patrum aevo longe maximas habuere. Aulae Romanae amplissima munera animo revolvobat COSMUS quibus filii studia pridem destinarat, ideoque cogitabat (ut ALPHONSUM SOTUM Dominicani instituti Sacrae Theologiae ¹