Vitæ selectorum aliquot virorum qui doctrinâ, dignitate, aut pietate inclaruere

Quin & ex parte materni sanguinis multùm enituit Scaevola. Nicolaa à Fabro ¹matter ejus, Ludovici SAMMRTHANI uxor, filia erat perillustris domini Bizaii in agro Juliodunensi, & neptis Francisci Fabri domini de Bello-loco, Regii in suprema Rationum curia Advocati. Fratrem habuit Renatum ²Fabrum Senatûs Praesidem in tertiâ class inquisitionum.

Quin & ex parte materni sanguinis multùm enituit Scaevola. Nicolaa à Fabro ¹mater ejus, Ludovici SAMMRTHANI uxor, filia erat perillustris domini Bizaii in agro Juliodunensi, & neptis Francisci Fabri domini de Bello-loco, Regii in suprema Rationum curia Advocati. Fratrem habuit Renatum ²Fabrum Senatûs Praesidem in tertiâ classe inquisitionum.

1. 1le Febure. de Bizay.
2. 2de Beau-lieu.

Avia materna SAMMARTHANI (de quo sermonem instituimus) ex antiqua & praenobili familia Berthelotorum in Turonibus orta est; (unde etiam processit Aegidius Berthelotus Rationum Regiarum Praeses.) Amitam habuit Janam Berthelotam, quae nupta Joanni Briconneto Varennio, regnante Ludovico XI. Regiae gazae praefecto (dictus est tunc temporis Regii aeris perceptor generalis) tres filios peperit merito & dignitate florentissimos: Gulielmum Briconnetum Senatorem Parisiensem, cujus etiamnum posteri supersunt; Gulielmum Briconetum juniorem, Cardinalem & Archiepiscopum Narbonensem, posteà Rhemensem, quem Carolus VIII. ità carum habuit, ut maximis Reip. negotiis eum imposuerit, & secretioris Consilii Praesidem elegerit; Robertum deinde Briconetum, Archiepiscopum item & Ducem Rhemensem, primum inter Pares, & Galliae Cancellarium. Ratione hujus propinquitatis, & aliarum à gent Berthelota pendentium, SAMMARTHANA domus attingit etiam nobilissimas familias de Huralto chevernio, de Galliard long-jumeau, de Beaune, de Reffuge, Ruzè, Robertet, Spifame, Fumèe, Prevost S. Cire, & alias inter potissima munera dignitatesque Ecclesiae, Regiae, & senatuum collocatus.