Vitæ selectorum aliquot virorum qui doctrinâ, dignitate, aut pietate inclaruere

Puer in agris avitis eductus unà cum Tito fratre, prima literarum & Grammaticae elementa didicit, praeceptore Joanne Jucundo Veronensi, client familiae ¹Scaligerae, homine doctissimo & probissimo: qui postea ad monachos Franciscanos transiit. Annorum duodecim minor Maximiliano Caesari à patre Benedicto oblatus, in numero illustrium puerorum aulicorum, quos in Galliâ pueros honoratos vocant, habitus, & unà cum illis in liberalibus & animi studiis, & corporis experimentis eruditus est, cum illis Latinè loqui, arma tractare, equitare, & ludicra pugnae simulacra ciere. Pyrrhicam ^*commemorat ipse & saepe & diu, coram Divo Maximiliano, jussu Bonifacii patrui, non sine stupore totius Germaniae se repraesentasse. Quo tempore aliquando vox illa Imperatoris: Hic puer aut thoracem pro pelle, aut pro cunis habuit. Sicut autem ipse Imperator Maximilianus omnes sui aevi, & superioris memoriae principes, heroicis virtutibus anteivit: ita & aula ejus omnis honesti cultûs schola fuit: unde qui ex eâ prodierunt viri planè heroici, non paedagogos aut campidoctores aulicos; sed ipsummet Maximilianum, morum & disciplinae militaris informatorem habuisse videbantur.

Puer in agris avitis eductus unà cum Tito fratre, prima literarum & Grammaticae elementa didicit, praeceptore Joanne Jucundo Veronensi, cliente familiae ¹Scaligerae, homine doctissimo & probissimo: qui postea ad monachos Franciscanos transiit. Annorum duodecim minor Maximiliano Caesari à patre Benedicto oblatus, in numero illustrium puerorum aulicorum, quos in Galliâ pueros honoratos vocant, habitus, & unà cum illis in liberalibus & animi studiis, & corporis experimentis eruditus est, cum illis Latinè loqui, arma tractare, equitare, & ludicra pugnae simulacra ciere. Pyrrhicam ^*commemorat ipse & saepe & diu, coram Divo Maximiliano, jussu Bonifacii patrui, non sine stupore totius Germaniae se repraesentasse. Quo tempore aliquando vox illa Imperatoris: Hic puer aut thoracem pro pelle, aut pro cunis habuit. Sicut autem ipse Imperator Maximilianus omnes sui aevi, & superioris memoriae principes, heroicis virtutibus anteivit: ita & aula ejus omnis honesti cultûs schola fuit: unde qui ex eâ prodierunt viri planè heroici, non paedagogos aut campidoctores aulicos; sed ipsummet Maximilianum, morum & disciplinae militaris informatorem habuisse videbantur.