Vitæ selectorum aliquot virorum qui doctrinâ, dignitate, aut pietate inclaruere

Ac quemadmodum Benedicto, homini placidissimo uxor imperiosa, factiosa, elata (quales semper animos producere solet gens Lodronia) semper aliquid magnum, ac supra fortunam profugi mariti spirans: ita Julio filio iracundo, & ad levia momenta irritabili, contigerat uxor, quae tum prudentiâ suâ irarum surgentes motus praesentiret: tum patientiâ atque indulgentiâ eluderet.

Igitur & militia & arthritide fracto, Philosophia & literae manum eandem injecerunt, & mollibus disciplinarum suarum imperiis contumacem animum subegerunt. Neque verò obstitit [Greek or Hebrew]: quin quod alii longo tempore, ¹ille pertinaci labore assequeretur, quamvis ante quadragesimum septimum aetatis annum nihil ediderit, neque ante id tempus totum hominem sibi planè subjecissent • erae. Adhuc enim & corpore & animo inter nobilitatis Vasconicae ⟨p. 412⟩ludicra certamina, & convivia peregrinabatur. Sed postquam morbus jam olim domesticus eum lecto affixit, & quemadmodum corpori facultatem, ita animo voluntatem vagandi ademit: nullum tempus à studiis literarum & lucubrationibus vacuum relinquebat. Quo factum ut eodem tempore nemo eo neque plura, neque meliora ediderit. Quae omnia bellis civilibus cum domesticâ suppellectile direpta interciderunt ferè. Quoties arthritis ei usum scribendi adimebat, tunc, ut Ennius loquitur, poëtabatur, & quotcunque versus noctu conceperat, manè si per frequentiam eorum, qui illum consulebant, ²aut officii causa invisebant, liceret: sin autem, vesperi, postquam omnis turba illa dilapsa esset, dictabat. Ac tanta erat memoriae felicitas, etiam in extremâ ³senecture; ut ducemos versus in Vivesiano praedio Josepho filio dictarit, quos die priore conceptos, propter visitatorum officium recitare distulerat. Neque vero minor fuit [Greek or Hebrew] ejus in colligendis ex vultu hominum moribus, judicio potius, & vi quadam animi occultâ, quam vanitate Physiognomonica