Vitæ selectorum aliquot virorum qui doctrinâ, dignitate, aut pietate inclaruere

neque à parente viro literatissimo in tanta spe neglectus, sed ante septimum aetatis annum praeceptoribus erudiendus datus, tantos apud eos profectus fecit, ut ante nonum vitae suae annum versus fundere inceperit, ante duodecimum in Academiam Lugduno-Batavam deductus fuerit, ubi non tantùm Philosophiae, Astrologiae & Matheseos, sed & Theologiae, & Jurisprudentiae tam fidelem navavit operam, ut tribus annis ibidem transactis, omnibusque, quibus se applicuerat studiis absolutis, vix quindecennis in comitatum Illustrissimi viri Joannis Oldenbarneveldii Reipublicae Hollandiae Assessoris, & ad invictissimum tunc Principem Henricum Magnum Legati in Galliam proficiscentis se dedit. Ibi gradum in Jure consecutus, & ab Augustissimo Rege non torque tantùm aureâ, sed & effigie regiâ, ob incomparabilem in ista aetate eruditionem donatus, ingentem sui & prosuturam aliquando existimationem reliquit; in patriam reversus forensibus see rebus admovit. Ante decimum septimum aetatis annum causas publicè egit, & ante vigesimum quartum ad Fisci advocationem ab Hollandiae Zelandiaeque Ordinibus vocatus est. Eo in munere tantâ see prudentià, curâ atque integritate gessit, ut non tantùm auctum ei à Proceribus Hollandiae salarium, sed & ultrò in superior Judicum consessu locus promissus sit. Sed ad altiora natus, & Majorum uti apparuit exemplo, rebus publicis destinatus, vacantem per obitum Eliae Oldenbarneveldii, qui fratri Joanni Oldenbarneveldio tunc Procerum Hollandiae Assessori in hoc munus successerat, adsessuram Civitatis ⟨p. 422⟩Rotterodamensis à Rectoribus ejusdem urbis, quae secundum Amstelodamum plurimum in aerarium publicum confert, oblatam ex amicorum consilio & assentientibus Hollandiae Proceribus, accepit anno post mille sexcentos decimo tertio, & aetatis suae trigesimo. Diviserat jam tunc temporis, non plebis tantùm, sed & Magistratuum, Procerumque animos, orta ante annos aliquot de praedestinatione & annexis ei quaestionibus controversia, aliis absolutam ex Joannis Calvini, aliis conditione subnixam ex Erasmi, Castalionis, Philippi Melanchthonis & aliorum sententia amplectentibus. Fovebaturque non Pastorum tantùm, sed & aliorum hominum res novas molientium artibus ea dissensio, adeo ut non obscurè pateret, magni aliquid per discrepantias illas tentari & non minùs Reipublicae quàm Ecclesiae vim intendi:

neque à parente viro literatissimo in tanta spe neglectus, sed ante septimum aetatis annum praeceptoribus erudiendus datus, tantos apud eos profectus fecit, ut ante nonum vitae suae annum versus fundere inceperit, ante duodecimum in Academiam Lugduno-Batavam deductus fuerit, ubi non tantùm Philosophiae, Astrologiae & Matheseos, sed & Theologiae, & Jurisprudentiae tam fidelem navavit operam, ut tribus annis ibidem transactis, omnibusque, quibus se applicuerat studiis absolutis, vix quindecennis in comitatum Illustrissimi viri Joannis Oldenbarneveldii Reipublicae Hollandiae Assessoris, & ad invictissimum tunc Principem Henricum Magnum Legati in Galliam proficiscentis se dedit. Ibi gradum in Jure consecutus, & ab Augustissimo Rege non torque tantùm aureâ, sed & effigie regiâ, ob incomparabilem in ista aetate eruditionem donatus, ingentem sui & prosuturam aliquando existimationem reliquit; in patriam reversus forensibus se rebus admovit. Ante decimum septimum aetatis annum causas publicè egit, & ante vigesimum quartum ad Fisci advocationem ab Hollandiae Zelandiaeque Ordinibus vocatus est. Eo in munere tantâ se prudentià, curâ atque integritate gessit, ut non tantùm auctum ei à Proceribus Hollandiae salarium, sed & ultrò in superiore Judicum consessu locus promissus sit. Sed ad altiora natus, & Majorum uti apparuit exemplo, rebus publicis destinatus, vacantem per obitum Eliae Oldenbarneveldii, qui fratri Joanni Oldenbarneveldio tunc Procerum Hollandiae Assessori in hoc munus successerat, adsessuram Civitatis