A26815:872
Vitæ selectorum aliquot virorum qui doctrinâ, dignitate, aut pietate inclaruere
Londini : Typis A.G. & J.P. & prostant venales apud Georgium Wells ..., 1681
Modern spelling is a reading aid: the words are the author’s, only the spelling is modernized. Original shows the page as printed, with the transcription marks.
quibus perpensis & collatis cum iis, quae in casu non absimili Lycestrianis temporibus agitata erant, oblati sibi ministerii functionem exercere recusavit vir perspicacissimus, nisi sub conditione, ne in potestate Magistratûs Rotterodamensis foret, eum unquam invitum ab eodem removere. Hac lege initam adsessuram tantà diligentià tantàque fidelitate exercuit, ut neque legitimi, id est, veteres, neque novi Magistratus quidquam in ministerio ejus invenerint, quod carpere aut accusare possent. Per eam functionem non in conventum tantùm Ordinum Hollandiae introductus, sed & pars factus est consessùs Curatorum Reipublicae, qui velut vicariam Ordinum Hollandiae potestatem exercent, eorumque nomine, & Foederatorum Conventum frequentare solent. Cùmque jam ante annos aliquot in gratiam navigationis Indicanae de jure istius commercii libellum scripsisset, maximaeque super ear contentions Anglos inter & Batavos mercatores ortae essent, componendis eorum controversiis, in Britanniam missus est; ubi & ab ipso Rege Jacobo sapientissimo sui seculi Principe, 1& ab eruditis ejus insulae viris non exigua benevolentiae signa accepit, propioremque amicitiam contraxit cum viro doctissimo Isaaco Casaubono, quem hactenus non nisi per literas suas coluerat. Gliscebant interim crescebantque indies super diversitate dogmatum discrepantiae. Jam pervenerant factiosae dissensions à Pastoribus ad plebem, à plebe ad Magistratum, à Magistratu ad Ordines Hollandiae veros & summos Reipublicae Rectores, ab Ordinibus ad Principem Mauritium, (cujus parens Gulhelmus Arausionensium Princeps in eadem praesectura constitutus, quoties ad eum similes de Religione quaestiones delatae erant, semper testatus erat, earum cognitionem non ad se, sed ad Ordines cujusque Provinciae pertinere;) à Mauritio ad Delegatos foederatorum, quibus nihil juris esse in singularum nationum subditos, jam saepe demonstratum erat, & demonstratum est apertiùs, nemine postea contra nitente. Neque deerant inter ipsos Magistratus, ipsosque Reipublicae Proceres, qui incontestabile in res Ecclesiasticas Ordinum Hollandiae arbitrium ad eosdem Delegatos deferrent.
quibus perpensis & collatis cum iis, quae in casu non absimili Lycestrianis temporibus agitata erant, oblati sibi ministerii functionem exercere recusavit vir perspicacissimus, nisi sub conditione, ne in potestate Magistratûs Rotterodamensis foret, eum unquam invitum ab eodem removere. Hac lege initam adsessuram tantà diligentià tantàque fidelitate exercuit, ut neque legitimi, id est, veteres, neque novi Magistratus quidquam in ministerio ejus invenerint, quod carpere aut accusare possent. Per eam functionem non in conventum tantùm Ordinum Hollandiae introductus, sed & pars factus est consessùs Curatorum Reipublicae, qui velut vicariam Ordinum Hollandiae potestatem exercent, eorumque nomine, & Foederatorum Conventum frequentare solent. Cùmque jam ante annos aliquot in gratiam navigationis Indicanae de jure istius commercii libellum scripsisset, maximaeque super ea re contentiones Anglos inter & Batavos mercatores ortae essent, componendis eorum controversiis, in Britanniam missus est; ubi & ab ipso Rege Jacobo sapientissimo sui seculi Principe,